فوتو: aa.com.tr
اقش پرەزيدەنتٸ ەكٸمشٸلٸگٸ ۋكراينا بيلٸگٸنە سوعىستىڭ شەشۋشٸ كەزەڭٸنە قادام باسقانىن, ۋكراين ارميياسى باتىس ەلدەرٸنەن ٷلكەن ەسكەري كٶمەك الىپ جاتقانىن, مايدان الاڭىندا بارىنشا نەتيجەگە جەتۋگە تيٸس ەكەنٸن ەسكەرتكەن.
بۇل جٶنٸندە Washington Post باسىلىمى ٶز دەرەككٶزٸنە سٸلتەمە جاساپ مەلٸمدەدٸ, دەپ جازادى ازاتتىق.
الداعى ايلار وڭاي بولمايتىنىن قاڭتار ايىندا كيەۆكە بارعان امەريكالىق شەنەۋنٸكتەر دە ەسكەرتكەن.
باسىلىمعا پٸكٸرٸن بٸلدٸرگەن دەرەككٶز اقش كونگرەسٸنٸڭ ٶكٸلدەر پالاتاسىن باقىلايتىن رەسپۋبليكاشىلدار ۋكرايناعا ەسكەري كٶمەكتٸ ازايتۋعا نيەتتٸ ەكەنٸن جەتكٸزگەن.
بيىل جازدا ۋكرايناعا بەرٸلەتٸن كٶمەك اياقتالادى. وسىدان كەيٸن كيەۆكە ەرٸ قاراي قولداۋ كٶرسەتۋ قيىن بولادى. قازٸر بايدەن ەكٸمشٸلٸگٸ ۋكرايناعا تاعى 10 ملرد دوللار بٶلۋ ٷشٸن كونگرەسپەن جۇمىس ٸستەپ جاتىر. بۇل كٶمەكتٸ رەسەيدٸڭ ۋكرايناعا شابۋىل باستاعانىنا بٸر جىل قارساڭىندا جارييالاۋى مٷمكٸن. سول كەزدە رەسەيگە تاعى قوسىمشا سانكتسييالار سالىنۋى ىقتيمال.
گازەتكە سۇحبات بەرگەن بايدەن ەكٸمشٸلٸگٸنٸڭ ٶكٸلٸ كٶكتەمگە قاراي رەسەي شابۋىلعا كٶشەتٸنٸن, ۋكراينا تارتىپ الىنعان جەرلەرٸن قايتارۋ ٷشٸن قارسى شابۋىلعا شىعۋى مٷمكٸن ەكەنٸن جەتكٸزگەن.
امەريكالىق شەنەۋنٸكتەردٸڭ پٸكٸرٸنشە, ۋكرايناعا بٸر مەزەتتە دونەتسك وبلىسىنداعى باحمۋتتى قورعاپ ەرٸ قارسى شابۋىلعا شىعۋ قيىنداۋ بولۋى مٷمكٸن. "ەگەر ۋكراينا بٸر مەزەتتە بارلىق جەردە شابۋىلعا شىقسا, بۇل مەسكەۋگە تيٸمدٸ بولۋى مٷمكٸن" دەدٸ سۇحبات بەرۋشٸ.
بۇدان بٶلەك, امەريكا بارلاۋ قىزمەتٸ ۋكراينا رەسەي باسىپ العان قىرىمدى قايتارا المايدى دەگەن شەشٸمگە كەلگەن.
ال كيەۆ ۋكراينانىڭ بارلىق باسىپ الىنعان وبلىستارىن, ونىڭ ٸشٸندە اننەكسييالانعان قىرىمدى دا قايتارىپ الۋعا نيەتتٸ.
بايدەن ەكٸمشٸلٸگٸ ۋكراينا رەسەيمەن كەلٸسسٶز جٷرگٸزبەس بۇرىن اۋماعىن قايتارىپ الۋعا بارىنشا كٷش سالۋى كەرەك دەپ ەسەپتەيدٸ.
