قازاقستاندىق انيماتور-مۋلتيپليكاتور ماماندار «ماشا مەن ايۋ», Disney جەنە «سويۋزمۋلتفيلم» سەكٸلدٸ ستۋدييالاردىڭ ماماندارىنىڭ دەرٸسٸن تىڭداي الادى, دەپ حابارلايدى قازاقپارات.
ەلەمگە تانىمال مۋلتفيلمدەردٸڭ جارىق كٶرۋٸنە تٸكەلەي اتسالىسقان ماماندار تٷركٸستاندا ٶتەتٸن حالىقارالىق ÁMEN انيماتسييالىق فيلمدەر كينوفەستيۆالٸندە ارنايى دەرٸس وقىپ, ترەنينگتەر ٶتكٸزەدٸ.
«ٶز قىزمەتٸن «سويۋزمۋلتفيلم» ستۋديياسىنان باستاپ, امەريكالىق World Disney ستۋديياسىندا شىڭدالعان سۋرەتشٸ-انيماتور الەكساندر دوروگوۆ فەستيۆال قاتىسۋشىلارىنا يدەيادان باستاپ, انيماتسييالىق فيلمدٸ بەينەلەۋگە دەيٸنگٸ پروتسەستٸ بايانداپ, باستى كەيٸپكەردٸ ٸزدەۋدٸڭ قىر-سىرىن تٷسٸندٸرەدٸ. «قاپ, بەلەم, تۇرا تۇر!» (نۋ, پوگودي), «مۋلان», «ارىستان پاتشا» (The Lion King), «فيكسيكتەر», «ليلو مەن ستيچ» (Lilo & Stitch) ەكٸلدٸ ەلەمگە تانىمال جوبالارعا قاتىسقان ماماننىڭ دەرٸسٸ ونلاين ٶتەدٸ. ال بريتان ساراپشىسى, «Zontul films limited» انيماتسييالىق كومپانيياسىنىڭ ديرەكتورى, پروفەسسور, جازۋشى تيم ۋيلسون ونلاين دەرٸسٸندە باتىس انيماتسييا سالاسىنىڭ ەرەكشەلٸكتەرٸنە توقتالىپ, جەكە تەجٸريبەسٸن ورتاعا سالادى», - دەپ حابارلادى كينوفەستيۆال ۇيىمداستىرۋشىلارى.
تاعى بٸر اعىلشىن مامانى قاتىسۋشىلارعا دەرەكتٸ فيلم تٷسٸرۋدە انيماتسييا ەلەمەنتتەرٸن قولدانۋدىڭ ۇتىمدىلىعى جايلى ايتىپ بەرەدٸ. كينورەجيسسەر, جازۋشى جەنە سۋرەتشٸ وليۆەر گاي-ۋوتكينس تٷسٸرگەن دەرەكتٸ فيلمدەر ەلەمگە تانىمال كينوفەستيۆالدەردٸڭ جٷلدەگەرٸ اتانعان. جازۋشىلىق قىرىنان تانىلعان ۋوتكينستٸڭ كٶركەمسۋرەت تۋىندىلارى دا كٶرمەلەرگە جيٸ قويىلادى.
قوناقتار قاتارىندا كٷللٸ ەلەم بالالارىنا ەرەكشە تانىمال «ماشا مەن ايۋ» جوباسىنىڭ رەجيسسەرٸ ناتاليا مالگينا بار. رەسەيلٸك مامان ونلاين دەرٸس بارىسىندا 40-تان استام تٸلگە اۋدارىلعان «ماشا مەن ايۋ» تۋىندىسىنىڭ جاسالۋ بارىسىنا توقتالادى.
«تٷركٸستانعا ارنايى كەلگەن تٷركييا انيماتسييا سالاسىنىڭ ٷزدٸكتەرٸ مۋساب گٷندٷز بەن مۇستافا احمەت قارا فەستيۆال قاتىسۋشىلارىمەن تٸلدەسٸپ, تەجٸريبەلەرٸمەن بٶلٸسەدٸ. انيماتسييا رەجيسسەرٸ, كوميكس جەنە قوزعالىس سۋرەتشٸسٸ مۇستافا احمەت قارا كوميكس جاساۋدىڭ قىر-سىرىنا توقتالسا, Cordoba انيماتسييا ستۋديياسىنىڭ نەگٸزٸن قالاۋشى مۋساب گٷندٷز اۋديتورييانىڭ جاس ەرەكشەلٸگٸنە قاراي جوبا جاساۋدىڭ نەگٸزدەرٸن تانىستىردى», - دەيدٸ ۇيىمداستىرۋشىلار.
سونداي-اق, فەستيۆال قوناقتارى قازاقستاننىڭ ٷزدٸك انيماتسييالىق كينوستۋدييالارىنىڭ كٶرمەسٸن تاماشالاپ, انيماتسييا جاساۋدىڭ ەرەكشەلٸكتەرٸمەن تانىسادى.
