Qazaqstandyq animator-mýltiplikator mamandar «Masha men aiý», Disney jáne «Soiýzmýltfilm» sekildi stýdiialardyń mamandarynyń dárisin tyńdai alady, dep habarlaidy QazAqparat.
Álemge tanymal mýltfilmderdiń jaryq kórýine tikelei atsalysqan mamandar Túrkistanda ótetin halyqaralyq ÁMEN animatsiialyq filmder kinofestivalinde arnaiy dáris oqyp, treningter ótkizedi.
«Óz qyzmetin «Soiýzmýltfilm» stýdiiasynan bastap, amerikalyq World Disney stýdiiasynda shyńdalǵan sýretshi-animator Aleksandr Dorogov festival qatysýshylaryna ideiadan bastap, animatsiialyq filmdi beineleýge deiingi protsesti baiandap, basty keiipkerdi izdeýdiń qyr-syryn túsindiredi. «Qap, bálem, tura tur!» (Ný, pogodi), «Mýlan», «Arystan patsha» (The Lion King), «Fiksikter», «Lilo men Stich» (Lilo & Stitch) ekildi álemge tanymal jobalarǵa qatysqan mamannyń dárisi onlain ótedi. Al britan sarapshysy, «Zontul films limited» animatsiialyq kompaniiasynyń direktory, professor, jazýshy Tim Ýilson onlain dárisinde Batys animatsiia salasynyń erekshelikterine toqtalyp, jeke tájiribesin ortaǵa salady», - dep habarlady kinofestival uiymdastyrýshylary.
Taǵy bir aǵylshyn mamany qatysýshylarǵa derekti film túsirýde animatsiia elementterin qoldanýdyń utymdylyǵy jaily aityp beredi. Kinorejisser, jazýshy jáne sýretshi Oliver Gai-Ýotkins túsirgen derekti filmder álemge tanymal kinofestivalderdiń júldegeri atanǵan. Jazýshylyq qyrynan tanylǵan Ýotkinstiń kórkemsýret týyndylary da kórmelerge jii qoiylady.
Qonaqtar qatarynda kúlli álem balalaryna erekshe tanymal «Masha men aiý» jobasynyń rejisseri Natalia Malgina bar. Reseilik maman onlain dáris barysynda 40-tan astam tilge aýdarylǵan «Masha men aiý» týyndysynyń jasalý barysyna toqtalady.
«Túrkistanǵa arnaiy kelgen Túrkiia animatsiia salasynyń úzdikteri Mýsab Gúndúz ben Mustafa Ahmet Qara festival qatysýshylarymen tildesip, tájiribelerimen bólisedi. Animatsiia rejisseri, komiks jáne qozǵalys sýretshisi Mustafa Ahmet Qara komiks jasaýdyń qyr-syryna toqtalsa, Cordoba animatsiia stýdiiasynyń negizin qalaýshy Mýsab Gúndúz aýditoriianyń jas ereksheligine qarai joba jasaýdyń negizderin tanystyrdy», - deidi uiymdastyrýshylar.
Sondai-aq, festival qonaqtary Qazaqstannyń úzdik animatsiialyq kinostýdiialarynyń kórmesin tamashalap, animatsiia jasaýdyń erekshelikterimen tanysady.
