«كومپيۋتەرلەر, سمارتفوندار مەن ەلەكتروندى كٸتاپ دەۋٸرٸندە گازەتتەر مەن كٸتاپتاردىڭ دەۋرەنٸ ٶتتٸ دەپ ويلاساڭىز – قاتەلەسەسٸز. سەبەبٸ, قاعاز ٶندٸرٸسٸ گٷلدەنٸپ جاتىر», دەپ جازادى ۆۆس.
ماقالا اۆتورىنىڭ ايتۋىنشا, بٷگٸندە ەلەمدە جىلىنا 400 ميلليون توننا قاعاز قولدانىلادى.
«اقشا, كارتون قوراپشالار, تٷبٸرتەك, تاماق پٸسٸرۋگە ارنالعان قاعاز, جۇمىرتقا قاعازى, قۇتتىقتاۋ اشىقحاتتارى جەنە تاعى دا باسقا ۇساق-تٷيەكسٸز ٶمٸردٸ ەلەستەتۋ مٷمكٸن بولماي كەتتٸ. بٸز قولما-قول اقشاسىز قوعامعا قاراي اياق باسقانىمىزبەن, قاعازسىز قوعامدى ەلەستەتۋ مٷمكٸن ەمەس», - دەپ جازادى ول.
ايتىلىپ ٶتكەندەي, بٷكٸل ەلەم بويىنشا قاعازعا دەگەن سۇرانىس ارتقان.
«بٷگٸنگٸ كٷنٸ بٸز بٸررەتتٸك پلاستماسسادان باس تارتىپ جاتقاندىقتان, ونىڭ ورنىن الماستىرۋعا نەگٸزگٸ ٷمٸتكەر قاعاز بولىپ وتىر. سوڭعى جىلدارى كٶپ سالا ٶكٸلدەرٸ قاعاز پاكەتتەرگە كٶشتٸ. دەگەنمەن, شىن مەنٸندە قاعاز قانشالىقتى تۇراقتى? ونىڭ قورشاعان ورتاعا قانداي ەسەرٸ بار?», - دەيدٸ اۆتور.
ونىڭ سٶزٸنشە, قاعاز ٶندٸرۋدٸڭ ەر ساتىسى سۋدى قاجەت ەتەدٸ.
«ٶندٸرٸس سالاسى سۋدى ٶتە كٶپ مٶلشەردە قاجەت ەتەدٸ. بٸر عانا ا4 قاعازىن دايىنداۋ ٷشٸن 2-13 ليتر سۋ قاجەت. قاعاز ٶندٸرٸسٸ بويىنشا بٸرٸنشٸ ورىندا تۇرعان قىتايدا بٸر جىلدا قاعاز ٶندٸرۋگە ٷش تريلليون ليتر سۋ كەتكەن», دەلٸنگەن ماقالادا.
قاعاز ٶندٸرٸسٸ كٶپ ەنەرگييانى دا قاجەت ەتەتٸن بولىپ شىقتى.
«زەرتتەۋ نەتيجەلەرٸ كٶرسەتكەندەي, ەلەمدٸك قاعاز ٶندٸرٸسٸ جىلىنا 6,4 ەكزادجوۋل (ەدج) ەنەرگييانى تۇتىنادى. بۇل, 87 تريلليون كەسە شاي قايناتۋعا جەتەتٸن ەنەرگييا. سونىمەن قاتار ەلەمدٸك قاعاز ٶندٸرٸسٸ ٷشٸن جىلىنا 100 ميلليون گەكتار ورمان كەسٸلەدٸ», دەپ جازادى ۆۆس.
بٷگٸندە قاعاز قالدىق رەتٸندە ەمەس, تەك تاۋار رەتٸندە قاراستىرىلادى. دەگەنمەن, ونىڭ ەكولوگيياعا ەسەرٸن دە ەسكەرۋ كەرەك.
