تالدىقورعان قالاسىندا ۆولەيبولدان ەيەلدەردٸڭ ۇلتتىق ليگا كوماندالارى اراسىنداعى قر ححح چەمپيوناتى مەرەگە جەتتٸ, دەپ حابارلايدى قازاقپارات.
پلەي-وفف بەسەكەلەرٸندە التىن جٷلدەنٸ «التاي» (ٶسكەمەن) مەن «جەتٸسۋ» (تالدىقورعان) كوماندالارى ساراپقا سالدى.
ٶتكەن جىلى دا قوس كلۋب فينالدا كەزدەسٸپ, سەربييالىق مامان ماركو گرشيچ جاتتىقتىراتىن ٶسكەمەندٸكتەر جەڭٸمپاز اتانعان ەدٸ. بۇدان كەيٸن «جەتٸسۋ» كلۋبىندا تٷركييالىق مامان جانبولات بۋرحاننىڭ ورنىنا بەلگٸلٸ ۆولەيبولشى ەلەنا پاۆلوۆا كەلگەن بولاتىن.
بيىل قوس فينالدىق ويىندا دا «التايدىڭ» مەرەيٸ ٷستەم بولدى. بٷگٸنگٸ ماتچتا ٶسكەمەندٸكتەر 25:19, 25:16, 25:18 ەسەبٸمەن ۇتىپ, قارسىلاسىنا دەس بەرمەدٸ. كوماندا كاپيتانى, ورال ۆولەيبولىنىڭ تٷلەگٸ سانا انارقۇلوۆاعا قوسا ۋكراينالىق نادەجدا كودولا, سەربييالىق بايلانىستىرۋشى دانيتسا رادەنكوۆيچ, سونداي-اق قازاقستاندىقتار پولينا ۋفيمتسەۆا, كريستينا بەلوۆا, كريستينا انيكونوۆا, ليبەرو مەدينا بەكەت جەڭٸسكە سٷبەلٸ ٷلەستەرٸن قوستى.
وسىلايشا «التاي» التى دٷركٸن ەل چەمپيونى اتاندى.
«جەتٸسۋ» كٷمٸسپەن كٷپتەلسە, سولتٷستٸكقازاقستاندىق «قۋانىش» ەكٸ جىل قاتارىنان قولا جٷلدەگە يە بولدى.
سالتاناتتى رەسٸمدە ٷزدٸك ويىنشىلار دا ماراپاتتالدى.
