رەسەي ۋكرايناعا باسىپ كٸرگەن سوڭ ەلدەن كەتكەن ۆلاديۆوستوك قالالىق دۋماسىنىڭ دەپۋتاتى ۆيكتور كامەنششيكوۆ ەلەۋمەتتٸك جەلٸدە اقش-تان ساياسي باسپانا العانىن مەلٸمدەدٸ. ول كٶشٸ-قون تٷرمەسٸنەن بوساپ شىققان. ايتۋىنشا, قازٸر ماياميدە (فلوريدا شتاتى), دەپ حابارلايدى ازاتتىق.
19 مامىردا كامەنششيكوۆ مەكسيكا مەن اقش شەكاراسىندا ۇستالعان. ول شەكارانى زاڭسىز كەسٸپ ٶتتٸ دەگەن كٷدٸككە ٸلٸنگەن. بۇدان سوڭ اقش-تان ساياسي باسپانا سۇراعان.
اقش بيلٸگٸ ەزٸرگە كامەنشيكوۆتٸڭ مەلٸمدەمەسٸنە تٷسٸنٸكتەمە بەرمەدٸ. رەسەي فەدەراتسيياسى كوممۋنيستٸك پارتيياسىنىڭ پريمورە ٶلكەسٸ بويىنشا حاتشىسى, ايماقتىق پارلامەنت فراكتسيياسىنىڭ جەتەكشٸسٸ اناتوليي دولگاچەۆ كامەنششيكوۆتٸ "پارتييانىڭ بەدەلٸنە نۇقسان كەلتٸردٸ" دەپ ايىپتاپ, ونى "ساتقىن" دەپ اتادى.
اقپان ايىندا ۋكرايناداعى سوعىسقا قارسى ەكەنٸن مەلٸمدەگەن دەپۋتات قالالىق دۋما وتىرىسىنا سودان بەرٸ قاتىسپاعان. 27 اقپاندا ول پارتييادان شىعۋ تۋرالى ٶتٸنٸش بەرگەن.
ول ۋكرايناداعى سەپاراتيستٸك قۇرىلىمدار – "لحر" مەن "دحر"-دٸڭ تەۋەلسٸزدٸگٸن مويىنداپ, رەسەيدٸڭ ۋكرايناعا باسىپ كٸرۋٸن قولداعان پارتييا باسشىلىعىمەن كەلٸسپەيتٸنٸن بٸلدٸرگەن.
ناۋرىز باسىندا سيبير.رەاليي باسىلىمىنا بەرگەن سۇحباتىندا كامەنششيكوۆ "قازٸردٸڭ ٶزٸندە جۇرت رەسەيدەن قاشىپ جاتىر. الايدا پٸكٸرٸڭدٸ ايتپاي قاشۋ – بۇل وككۋپانت ستاتۋسىندا قاشۋ دەگەندٸ بٸلدٸرەدٸ. سوندىقتان ەگەر ادام قازٸر پٸكٸرٸن ايتپاسا, قارسى ەكەنٸن بٸلدٸرمەسە, دەمەك ول ونى قولدايدى دەگەن سٶز" دەپ مەلٸمدەگەن ەدٸ.
