قر پرەمەر-مينيسترٸنٸڭ ورىنباسارى ەرالى توعجانوۆ وتاندىق QazVac ۆاكتسيناسىن كٶرشٸ ەلدەرگە جەتكٸزۋ تۋرالى سۇراقتارعا جاۋاپ بەردٸ, دەپ حابارلايدى "ۇلت اقپارات".
«قازٸرگٸ ۋاقىتتا اي سايىن QazVac ۆاكتسيناسىنىڭ 100 مىڭ دوزاسى شىعارىلادى. شٸلدە ايىنا دا 100 مىڭ ۆاكتسينا جوسپارلانعان. ال 30 تامىز بەن 1 قىركٷيەكتە ۆاكتسينانىڭ ايلىق كٶلەمٸ 600 مىڭعا دەيٸن ۇلعايادى. سوندىقتان, قازٸرگٸ ۋاقىتتا ٶندٸرٸس مەسەلەلەرٸ تولىق باقىلاۋىمىزدا», - دەدٸ توعجانوۆ ورتالىق كوممۋنيكاتسييالار قىزمەتٸندە تٸلشٸلەر سۇراعىنا بەرگەن جاۋابىندا.
سونىمەن بٸرگە, سپيكەر قازاقستاندا QazVac بويىنشا دەفيتسيت جوق ەكەنٸن, شامامەن 30 مىڭ ۆاكتسينا قالىپ وتىرعانىن جەتكٸزدٸ. جەكەلەگەن ٶڭٸرلەردە ۆاكتسينا جەتٸسپەۋشٸلٸگٸ بايقالسا, تولىقتىرىلادى.
«كٶرشٸ ەلدەرگە جەتكٸزۋگە كەلسەك, يە, بٸزدەن ۆاكتسينا جەتكٸزۋدٸ سۇرايتىن ەلدەر بار. بٸراق, ەڭ الدىمەن, ٶز ازاماتتارىمىزدى قامتۋىمىز كەرەك. ەزٸرگە ماۋسىم مەن شٸلدە, تٸپتٸ تامىز ايلارىندا باسقا ەلدەرگە ۆاكتسينا جەتكٸزۋ جوسپارلانىپ وتىرعان جوق. قىرعىزستاننان رەسمي سۇراۋ بار, ونى كەشە قاراستىردىق. ۆاكتسينا شىعارۋ كٶلەمٸ 600 مىڭعا جەتكەن سوڭ, قىركٷيەكتە شامامەن ميلليون QazVac بولادى, سول كەزدە وسى مەسەلەنٸ كٶتەرە الامىز», - دەپ تٷسٸندٸردٸ ەرالى توعجانوۆ.
