قازاقستاندا 2018 جىلى ەنگٸزٸلەتٸن جاڭا فورماتتاعى ەلەۋمەتتٸك كٶمەك كٶرسەتۋگە دايىندىق بارىسىمەن تانىسۋ ٷشٸن ٶڭٸرگە ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ سۆەتلانا جاقىپوۆا كەلدٸ, دەپ حابارلايدى otyrar.kz تٸلشٸسٸ.
وبلىستىق ەكٸمدٸكتە ٶتكەن مەجٸلٸستە وسىناۋ مەسەلە جان-جاقتى تالقىلاندى. وندا تيٸستٸ كٶمەك كٶرسەتەتٸن سالا قىزمەتكەرلەرٸ مەن مەكەمەلەردٸڭ ەزٸرلٸگٸ پىسىقتالدى.
الداعى جىل ەلەۋمەتتٸك سالا قىزمەتكەرلەرٸ ٷشٸن سىندارلى جىل بولعالى تۇر. جاڭارتىلعان جٷيەدە ۇسىنىلاتىن ەلەۋمەتتٸك كٶمەك كٶرسەتۋگە ماماندار مەن تيٸستٸ مەكەمەلەر ساقاداي ساي دايىن بولۋى تيٸس. سالا باسشىسىنىڭ سٶزٸنە سەنسەك, وسىناۋ كٶمەككە مۇقتاجدار سانى كەلەسٸ جىلى 300 مىڭعا جۋىقتاپ وتىر. ولاردىڭ 74 مىڭى شارتسىز, 222 مىڭى شارتتى ەلەۋمەتتٸك كٶمەكپەن قامتىلادى دەپ كٷتٸلۋدە.
وسىناۋ قىزمەتتٸ جٷزەگە اسىرۋ ٷشٸن تيٸستٸ دايىندىقتاردى قالت جٸبەرمەي قاداعالاپ وتىرعان سالا باسشىسى مامانداردىڭ بٸلٸكتٸكتٸلٸگٸن دە ارتتىرىپ, حالىققا تٷسٸندٸرۋ جۇمىستارىن دا مىقتاپ قولعا الدىق دەپ وتىر.
ايتا كەتەيٸك, بيىل كٷنگەيدە «ٶرلەۋ» جوباسىن ٸسكە اسىرۋ ٷشٸن 22 مىڭنان اسا وتباسى شارتتى اقشالاي كٶمەكپەن جەنە 27 مىڭ تۇرعىندى جۇمىسپەن قامتۋ جوسپارلانعان بولاتىن. ەگەر بىلتىر وبلىستاعى وسىناۋ جوباعا قاتىسۋشىلاردىڭ سانى 26 پايىزدى قۇراسا, بيىل جوسپارلانعان كٶرسەتكٸش ەدەۋٸر ارتقان. وسىناۋ پيلوتتىق جوبانى سەتتٸ ٸسكە اسىرعان ەرٸپتەستەرٸنە تەنتٸ بولعان ۆيتسە-مينيستر حانىم بۇل جولى دا ٷلكەن سەنٸمٸن ارتتى.
اتقارىلىپ جاتقان جۇمىس بارىسىمەن ەتەنە تانىسۋ ٷشٸن سۆەتلانا جاقىپوۆا ەلەۋمەتتٸك مەكەمەلەردٸ ارالىپ كٶردٸ. سولاردىڭ بٸرٸ — جۋىردا عانا اشىلعان شىمكەنتتەگٸ №1 ارناۋلى ەلەۋمەتتٸك قىزمەت كٶرسەتۋ ورتالىعىنىڭ قوسىمشا 110 ورىندى عيماراتى. مۇندا 18 جاستان اسقان پسيحو-نەۆرولوگييالىق اۋرۋلارى بار ٸ جەنە ٸٸ توپتاعى ازاماتتار ارناۋلى ەلەۋمەتتٸك قىزمەتتەرمەن قامتاماسىز ەتٸلەدٸ.
وسىلايشا مەكەمەلەردەگٸ جٷيەلٸ جۇمىستاردى كٶزبەن كٶرٸپ قايتقان ۆيتسە-مينيستر 2018 جىلى ٸسكە اساتىن جاڭا فورماتتاعى ەلەۋمەتتٸك كٶمەكتٸڭ كٶپشٸلٸك ٷشٸن قولجەتٸمدٸ بولاتىنىنا كٶز جەتكٸزٸپ قايتتى.
ۇلت پورتالى
