ٸشكٸ ٸستەر ۆيتسە-مينيسترٸ مارات قوجاەۆ بٸر اپتا بۇرىن زارەچنىي كەنتٸندەگٸ 155/8 مەكەمەسٸندە "سۋيتسيدتەن" قازا بولعان تۇتقىننىڭ ٶلٸمٸنە بايلانىستى ٸس تۋرالى ايتتى. 18 اقپاندا "حالىق ٷنٸ" ("گولوس نارودا") سايتى مارقۇمنىڭ اسقازانىنان "تۇتقىننىڭ ٶلٸمٸنە كٸنەلٸ" ادامداردىڭ اتى-جٶنٸ كٶرسەتٸلگەن حات تابىلدى دەپ جازعان.
"ٶتكەندە بولعان وقيعا. دۇرىس ايتاسىز. ساراپتاما كەزٸندە حات تابىلعانى راس. ول تۋرالى ٸس تٸركەلٸپ, قازٸر تەرگەۋ جٷرٸپ جاتىر" دەدٸ 23 اقپاندا مارات قوجاەۆ ازاتتىق تٸلشٸسٸنە.
ونىڭ سٶزٸنشە, "ٶزٸن-ٶزٸ ٶلتٸرۋگە جەتكٸزۋ" بابى (105-باپ) بويىنشا قىلمىستىق ٸس قوزعالعان. ەزٸرشە ەشكٸمگە ايىپ تاعىلماعان.
"قازٸر قانداي دا بٸر ادامعا ايىپ تاعىلدى دەپ ايتا المايمىن. دەلەلدەر جينالعان جوق. تەرگەۋ ورگاندارى جيناقتاعان دەلەلدەرگە ساي ايىپ تاعىلاتىن شىعار. ەگەر كٸنەلٸ ادامدار انىقتالسا" دەدٸ مارات قوجاەۆ.
"حالىق ٷنٸ" سايتىنىڭ جازۋىنشا, 15 اقپاندا الماتى وبلىسى زارەچنىي كەنتٸندەگٸ 155/8 مەكەمەسٸندە 1998 جىلى تۋعان ەركەن قاراساي ەسٸمدٸ سوتتالۋشى "سۋيتسيد جاساعان". ول ٶزٸنە قول جۇمساماي تۇرىپ باۋىرىنا حات جازىپ, وندا وسى مەكەمەنٸڭ "ٶزٸن سۋيتسيد جاساۋعا يتەرمەلەگەن" تٶرت قىزمەتكەرٸنٸڭ اتى-جٶنٸن اتاعان. حاتتا ەركەن قاراساي ٶزٸ جازاسىن ٶتەپ وتىرعان مەكەمەدەگٸ "جەمقورلىق" تۋرالى ايتىپ, "تٷرمە قىزمەتكەرلەرٸ جاس جٸگٸتتەردٸ مەكەمەگە جۇمىس ٸستەۋگە مەجبٷرلەيدٸ, كەلٸسپەسە, ۇرىپ-سوعادى, بالاعاتتايدى" دەپ جازعان.
"حالىق ٷنٸ" سايتى حاتتان "وسى مەسەلەنٸ شەشٸپ, ولاردى زاڭ اياسىندا تولىق جازالاۋدى سۇرايمىن. بۇل حات مەنٸڭ ٸشٸمدە بولادى, ٶز قولىممەن جازعانمىن. ٶلٸمٸمە تٸكەلەي وسى ادامدار كٸنەلٸ. حات ادرەساتىنا جەتەدٸ دەپ ويلايمىن" دەگەن ٷزٸندٸ كەلتٸرگەن.
مارقۇمنىڭ اعاسى جەكەن قاسەنوۆ "حالىق ٷنٸ" سايتىنا باۋىرى 14 اقپاندا تەلەفونمەن سٶيلەسكەنٸن, "ٶلٸم الدىندا جازعان حاتى" تۋرالى اقپارات ەرتەسٸندە تاڭ اتا تٷسكەنٸن ايتقان.
"بٸز كەشكە سٶيلەستٸك. تاڭەرتەڭ ەرتە تەلەفونىمدى اشسام, ساعات 4.17-دە تٷسكەن حاتتى كٶردٸم. بٸردەن كولونيياعا تارتتىم, جولدا ونىمەن بٸرگە جازاسىن ٶتەپ جٷرگەندەر حابارلاستى. ونىڭ دەنەسٸن تاپقاندار "اسىلىپ ٶلدٸ" دەدٸ. تٷرمەگە جەتكەندە ول جاقتا تەرگەۋشٸلەر, لاگەر باسشىسى جٷردٸ. مەيٸتٸ قوناەۆ قالاسىنىڭ مەيٸتحاناسىنا جەتكٸزٸلگەن" دەدٸ جەكەن قاسەنوۆ.
الماتى وبلىستىق قىلمىستىق-اتقارۋ جٷيەسٸ دەپارتامەنتٸ 15 اقپان تاڭعى 6.00 شاماسىندا مەكەمە قىزمەتكەرلەرٸ تۇتقىن ەركەن قاراسايدىڭ دەنەسٸ تابىلعانىن, ال دەرٸگەرلەر ول "تۇنشىعىپ ٶلگەنٸن" ايتتى.
"سوتتالۋشىنىڭ دەنەسٸن تەكسەرگەن كەزدە دەنە جاراقاتى انىقتالمادى. سوت-مەديتسينا ساراپتاماسىنىڭ بارىسى ۆيدەورەگيستراتورعا تٸركەلدٸ. سوتتالۋشى جاقسى جاعىنان كٶرٸنگەن. ەكٸمشٸلٸكپەن ارادا كيكٸلجٸڭ بولماعان" دەپ جازىلعان دەپارتامەنت حابارلاماسىندا.
قۇقىق قورعاۋشىلار مەن بەلسەندٸلەر قازاقستان تٷرمەلەرٸندە ادام ٶلٸمٸ جيٸ بولاتىنىن ايتادى. قاڭتاردىڭ باسىندا زارەچنىيداعى ٶزگە مەكەمەدە دەنيس ۆورونتسوۆ ٶلگەنٸ بەلگٸلٸ بولعان. پروكۋراتۋرا تۇتقىننىڭ ٶلٸمٸنە "اسقازان اۋرۋى" سەبەپ ەكەنٸن مەلٸمدەگەن. قۇقىق قورعاۋشىلار مەن مارقۇمنىڭ تۋىستارى رەسمي مەلٸمدەمەگە كٷمەندانا قارايدى. تۋىستارىنىڭ ايتۋىنشا, مارقۇمدى "مەكەمەدە ازاپتاپ, ۇرىپ سوققان".
نۇرگٷل تاپاەۆا,
