قازاقستان ەلشٸلٸگٸ مارتيناس ماجۆيداس اتىنداعى ليتۆا ۇلتتىق كٸتاپحاناسىندا ليتۆا تٸلٸنە اۋدارىلعان «قازاقستان تاريحى» كٸتابىنىڭ تۇساۋكەسەرٸن ٶتكٸزدٸ. بۇل تۋرالى قر سىرتقى ٸستەر مينيسترلٸگٸنەن مەلٸم ەتتٸ, دەپ حابارلايدى قازاقپارات.
قازاقستان تەۋەلسٸزدٸگٸنٸڭ 30 جىلدىعىنا ارنالعان ٸس-شاراعا سەيمنٸڭ دەپۋتاتتارى, سىرتقى ٸستەر مينيسترلٸگٸنٸڭ, ٸسكەرلٸك جەنە اكادەمييالىق ورتا ٶكٸلدەرٸ, قازاقستاننىڭ قۇرمەتتٸ كونسۋلدارى, مەدەنيەت قايراتكەرلەرٸ مەن قازاقستاندىق ستۋدەنتتەر قاتىستى.
كٸتاپتان ليتۆالىق وقىرمان قازاق حالقىنىڭ ەجەلگٸ دەۋٸردەن بٷگٸنگٸ كٷنگە دەيٸنگٸ تاريحى, سونداي-اق بوستاندىق پەن تەۋەلسٸزدٸك ٷشٸن كٷرەسٸ تۋرالى بٸلە الادى.
قر ەلشٸسٸ ۆيكتور تەمٸرباەۆ بۇل ٸس-شارا قازاقستان-ليتۆا مەدەني قاتىناستارىنداعى ماڭىزدى وقيعا ەكەنٸن اتاپ ٶتتٸ.
ديپلومات قوناقتاردى قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ ارقاسىندا قول جەتكٸزٸلگەن ەلٸمٸزدٸڭ ٷش ونجىلدىقتاعى تابىستارىمەن تانىستىرىپ, قازٸرگٸ تاڭدا بۇل باعىتتى مەملەكەت باسشىسى قاسىم-جومارت توقاەۆ جٷرگٸزٸپ كەلە جاتقانىن اتاپ ٶتتٸ.
كٸتاپ اۆتورى, قر بٸلٸم جەنە عىلىم مينيسترلٸگٸ مەملەكەت تاريحى ينستيتۋتىنىڭ ديرەكتورى ەركٸن ەبٸل ٶزٸنٸڭ بەينەٷندەۋٸندە بۇل باسىلىمنىڭ نەگٸزگٸ ماقساتى - وقىرماندى ۇلى دالا ٶركەنيەتٸنٸڭ تاريحىمەن تانىستىرۋ ەكەنٸن اتاپ ٶتتٸ. ونىڭ ايتۋىنشا, سوڭعى جىلدارى رەسپۋبليكا باسشىلىعى قازاقستان تاريحىنىڭ اسپەكتٸلەرٸن عىلىمي تۇرعىدان زەرتتەۋگە كٶپ كٶڭٸل بٶلٸپ كەلەدٸ.
قازاقستان ەلشٸلٸگٸ «جارا» باسپا ٷيٸنە جەنە ونىڭ باسشىسىنا كٸتاپتى ليتۆا تٸلٸنە اۋدارۋعا جەنە ونى باسىپ شىعارۋعا كٶمەك كٶرسەتكەنٸ ٷشٸن العىس بٸلدٸردٸ. كٸتاپ ليتۆانىڭ جەتەكشٸ ۋنيۆەرسيتەتتەرٸنٸڭ كٸتاپحانا قورلارىنا جەنە ۆيلنيۋس, كلايپەدا جەنە كاۋناس ورتالىق قالالىق كٸتاپحانالارىنا جٸبەرٸلەدٸ.
مارتيناس ماجۆيداس اتىنداعى ليتۆا ۇلتتىق كٸتاپحاناسى - ليتۆاداعى ەڭ ٸرٸ عىلىمي كٸتاپحانا, ليتۆا جەنە شەتەلدٸك قۇجاتتاردىڭ مەملەكەتتٸك قويماسى. پارلامەنتتٸك كٸتاپحانا, ەۋروپالىق وداقتىڭ, دٷنيەجٷزٸلٸك بانكتٸڭ, ماگاتە-نٸڭ جەنە باسقا دا بٸرقاتار حالىقارالىق ۇيىمداردىڭ دەپوزيتتٸك كٸتاپحاناسى قىزمەتٸن اتقارادى.
