پاۆلودارداعى جەكەمەنشٸك بالاباقشادا شىققان داۋ تاعى جالعاستى. سالقىن بٶلمەگە شەشٸندٸرٸپ, جالاڭاش تاستاپ كەتكەن بالانىڭ وقيعاسىنا قاتىستى تىڭ دەرەكتەر پايدا بولدى. مەكتەپكە دەيٸنگٸ مەكەمەنٸ باسقاراتىن كومپانييا باسشىسى كٶپشٸلٸكتٸ الاڭداتقان ۆيدەو مونتاجدالعانىن ايتتى, - دەپ حابارلايدى Tengrinews.kz.
"جەلٸدە جارييالانعان ۆيدەو ٷزٸندٸ عانا. ٶتكەن جۇمادا پوليتسييا وقيعا قالاي بولعانىن انىق كٶرۋگە بولاتىن تولىق ۆيدەونى الدى. تەربيەشٸ ورىندىقتاعى بالالار كيٸمٸن الىپ, شەشٸنەتٸن بٶلمەگە كٸرەدٸ. ول بالانى كيٸندٸرمەك بولعان, بٸراق سەبي كيٸنگٸسٸ كەلمەگەن. بۇل تۋرالى تەربيەشٸ بالانىڭ اناسىنا WhatsApp ارقىلى حابارلاعان. بٸرنەشە مينۋتتان كەيٸن كٸشكەنتاي قىز تىنىشتالىپ, تەربيەشٸ ونى كيٸندٸرٸپ قويعان. بٸراق جارتى ساعات بۇرىن قىزىنا كەلەتٸنٸن جازعان اناسىن كٷتۋ ٷشٸن تەربيەشٸ سوندا كٷتكەن", - دەيدٸ باسقارۋشى كومپانييانىڭ باسشىسى الي ۆاكۋليك.
ونىڭ ايتۋىنشا, جۇرتشىلىقتىڭ نارازىلىعىن تۋدىرعان ۆيدەو بٸرنەشە كادردان قوسىلعان.
"بۇل ەدەيٸ قوسىلعان ۆيدەو. بالانى كيٸم اۋىستىراتىن بٶلمەگە كٸرگٸزگەن كەزدە باسقا ۆيدەو قوسىلعان, ەسٸك ٶزگەرەدٸ. الدىڭعى كادردا ەسٸك جابىلعانىن كٶرەمٸز. تٷپنۇسقادا ەسٸك اشىق قالادى. ولار ەسٸك بالا كٸرگەننەن كەيٸن جابىلعانداي ەتٸپ كٶرسەتكەن. ونداي بولعان جوق. قىزدى ەشكٸم مازاق ەتكەن جوق, وعان قاتىگەزدٸك كٶرسەتپەگەن. كيٸنەتٸن بٶلمە جىلى, وندا بارلىق بالا كيٸم اۋىستىرادى", - دەدٸ ۆاكۋليك.
بالاباقشا باسشىلىعى العاشىندا زاڭبۇزۋشىلىقتى نەگە مويىندادى دەگەن سۇراققا كەسٸپكەر بالاباقشا مەڭگەرۋشٸسٸنٸڭ مٸندەتٸن اتقارۋشى پاۆلودار بٸلٸم بٶلٸمٸنٸڭ نۇسقاۋىن ورىنداعانىن ايتتى. ٶزٸ سول كەزدە شەتەلدە ٸسساپاردا بولىپ, جاعدايدى زەرتتەي الماعان.
"جۋرناليستەر كەلگەن كەزدە ول نە ٸستەرٸن بٸلمەي قالعان. بٸلٸم بٶلٸمٸندە وعان نۇسقاۋ بەرٸلگەن: "بەرٸن مويىنداڭىز, شارا قولداندىق, تەربيەشٸنٸ جۇمىستان شىعاردىق". ولار شۋ شىعارعىسى كەلمەگەن شىعار. ياعني, جازبانى زەرتتەمەي-اق, نۇسقاۋ بەرگەن. بٸز جۇمىستان شىعارىلعان تەربيەشٸ مەن كٷتۋشٸدەن كەشٸرٸم سۇراپ, جۇمىسقا قايتا ورالۋدى ۇسىندىق. جاعدايدى انىقتاماي ادامداردى جۇمىستان شىعارعان بالاباقشا مەڭگەرۋشٸسٸنٸڭ مٸندەتٸن اتقارۋشىعا قاتاڭ سٶگٸس جارييالاندى", - دەدٸ ۆاكۋليك.
ال, بٸلٸم باسقارماسى مەكتەپكە دەيٸنگٸ مەكەمە باسشىلىعىنا ەشقانداي نۇسقاۋ بەرٸلمەگەنٸن مەلٸمدەدٸ.
"بالاباقشاعا باردىق, قانداي شارا قولدانىلعانىن سۇرادىق. بٸراق ەشقانداي نۇسقاۋ بەرمەدٸك. كامەرادان تٷسٸرٸلگەن بەينەجازبانى ٶزٸمٸز دە كٶرمەدٸك, بٸردەن پروكۋراتۋراعا جٸبەردٸك. قازٸر قۇقىق قورعاۋ ورگاندارى اينالىسىپ جاتىر", - دەدٸ پاۆلوداردىڭ بٸلٸم بٶلٸمٸ ٶكٸلدەرٸ.
بالاباقشا مەلٸمەتٸنشە, جۇمىستان شىعارىلعان تەربيەشٸ مەن كٷتۋشٸ سەنٸمسٸز ۆيدەونى تاراتۋ فاكتٸسٸ بويىنشا پوليتسيياعا ارىز بەرٸپ ٷلگەرگەن.
بۇعان دەيٸن جەلٸدە پاۆلودار بالاباقشاسىندا تەربيەشٸ بالانى جالاڭاشتاپ, سالقىن بٶلمەگە 40 مينۋتقا قاماپ قويعانى كٶرسەتٸلگەن ۆيدەو تاراعان ەدٸ.
