مەملەكەت باسشىسى قاسىم-جومارت توقاەۆ 2026 جىلعى 23 تامىزدا قۇرىلتاي دەپۋتاتتارىنىڭ تاريحي سايلاۋىندا داۋىس بەرگەننەن كەيٸن بۇقارالىق اقپارات قۇرالدارىنىڭ ٶكٸلدەرٸ ٷشٸن بريفينگ ٶتكٸزدٸ, دەپ حابارلايدى ult.kz.
اتاپ ايتقاندا, "حابار" تەلەارناسىنىڭ تٸلشٸسٸ ساعىنىش ەبٸكەي پرەزيدەنتكە:
"سٸز كونستيتۋتسييالىق رەفورما تاريحي ٶزگەرٸستەردٸڭ باستاۋى بولاتىنىن, ال اۋقىمدى جاڭعىرۋ جىل سوڭىنا دەيٸن, تٸپتٸ كەلەسٸ جىلى دا جالعاساتىنىن ايتتىڭىز. قۇرىلتاي مەن قازاقستان حالىق كەڭەسٸ جۇمىسىن باستاعاننان كەيٸن, سونداي-اق ۆيتسە-پرەزيدەنت لاۋازىمى ەنگٸزٸلگەن سوڭ ەلٸمٸزدە قانداي ٶزگەرٸستەر بولادى?" – دەپ سۇراق قويدى.
قاسىم-جومارت توقاەۆ بٷگٸندە كٶپشٸلٸكتٸ ۆيتسە-پرەزيدەنت لاۋازىمىنا كٸم تاعايىندالاتىنى قىزىقتىراتىنىن ايتتى.
"شىنىندا دا, بۇل – ماڭىزدى ٶزگەرٸس. بٸز كونستيتۋتسييادا بۇل جاڭا لاۋازىمدى سانالى تٷردە ەنگٸزدٸك. بۇل قىزمەت اسا قاجەت دەسەم, قاتەلەسپەيمٸن. قازٸرگٸ كٷردەلٸ كەزەڭدە مۇنداي لاۋازىم ەلٸمٸزگە ەسٸرەسە قاجەت. ۆيتسە-پرەزيدەنت قىزمەتٸنە كٸم تاعايىندالاتىنى الداعى اپتادا نەمەسە 10 كٷن ٸشٸندە بەلگٸلٸ بولادى. قازٸر ونىڭ ەسٸمٸن اتاۋ ەرتەرەك. مەنٸڭشە, ول بەرٸڭٸز جاقسى بٸلەتٸن تانىمال تۇلعا بولادى", – دەدٸ مەملەكەت باسشىسى.
سونىمەن قاتار قاسىم-جومارت توقاەۆ باسقا دا رەفورمالاردىڭ جٷزەگە اسىرىلۋىنا توقتالدى.
