Memleket basshysy Qasym-Jomart Toqaev 2026 jylǵy 23 tamyzda Quryltai depýtattarynyń tarihi sailaýynda daýys bergennen keiin buqaralyq aqparat quraldarynyń ókilderi úshin brifing ótkizdi, dep habarlaidy ult.kz.
Atap aitqanda, "Habar" telearnasynyń tilshisi Saǵynysh Ábikei Prezidentke:
"Siz konstitýtsiialyq reforma tarihi ózgeristerdiń bastaýy bolatynyn, al aýqymdy jańǵyrý jyl sońyna deiin, tipti kelesi jyly da jalǵasatynyn aittyńyz. Quryltai men Qazaqstan Halyq Keńesi jumysyn bastaǵannan keiin, sondai-aq Vitse-prezident laýazymy engizilgen soń elimizde qandai ózgerister bolady?" – dep suraq qoidy.
Qasym-Jomart Toqaev búginde kópshilikti Vitse-prezident laýazymyna kim taǵaiyndalatyny qyzyqtyratynyn aitty.
"Shynynda da, bul – mańyzdy ózgeris. Biz Konstitýtsiiada bul jańa laýazymdy sanaly túrde engizdik. Bul qyzmet asa qajet desem, qatelespeimin. Qazirgi kúrdeli kezeńde mundai laýazym elimizge ásirese qajet. Vitse-prezident qyzmetine kim taǵaiyndalatyny aldaǵy aptada nemese 10 kún ishinde belgili bolady. Qazir onyń esimin ataý erterek. Menińshe, ol bárińiz jaqsy biletin tanymal tulǵa bolady", – dedi Memleket basshysy.
Sonymen qatar Qasym-Jomart Toqaev basqa da reformalardyń júzege asyrylýyna toqtaldy.
