فوتو: ۆيدەودان سكرين/instagram.com/megapolis.kz
ۆەتنامدا كٷمەندٸ جاعدايدا جوعالىپ كەتكەن قازاقستاندىق قىز تابىلدى, دەپ حابارلايدى Ult.kz Stan.kz-كە سٸلتەمە جاساپ.
ەسەمنٸڭ تابىلعانى تۋرالى ونىڭ ەپكەسٸ حابارلادى. ەپكەسٸنٸڭ ايتۋىنشا, قازٸر ول پوليتسييا بٶلٸمشەسٸندە وتىر.
“ول تٸرٸ, بٸراق جاعدايى الاڭداتادى. تەرگەۋ جٷرٸپ جاتقاندىقتان, ەزٸرگە تولىق مەلٸمەتتٸ جارييالاي المايمىز. ەڭ باستىسى – ونىڭ تابىلعانى”, – دەدٸ ەپكەسٸ.
ەسكە سالايىق, بۇعان دەيٸن قازاقستاندىق اۋباكير ەسەمنٸڭ تۋىستارى ونىڭ ۆەتنامدا جوعالىپ كەتكەنٸن ايتقان ەدٸ. ول قازاقستانعا قايتىپ ۇشپاق بولعان, الايدا ەۋەجايداعى تابلودان ٶز رەيسٸن تاپپاعان. تۋىستارىنىڭ سٶزٸنشە, سول كەزدە ول ەكٸ تەۋلٸككە جۋىق ۇيىقتاماعان جەنە قاتتى قورقىپ, ٶزٸن بٸرەۋلەر باقىلاپ جٷرگەنٸن ايتقان.
وتباسىنىڭ مەلٸمەتٸنشە, سوڭعى بانكتٸك وپەراتسييا 6 ناۋرىز كٷنٸ ساعات 15:08-دە تٸركەلگەن, بۇل كەزدە تاكسيگە قارجى تٶلەنٸپتٸ. سونداي-اق جوعالار الدىندا قىزدىڭ امەريكالىق ەيەلمەن بٸرگە تٷسكٸ اس ٸشكەنٸ بەلگٸلٸ. جاقىندارىمەن سٶيلەسكەن كەزدە ونىڭ سٶزٸ تٷسٸنٸكسٸز بولىپ كٶرٸنگەن, ەرٸ ولار ونىڭ بٸرتٷرلٸ كٷيدە بولعانىن بايقاعان.
تۋىستارىنىڭ ايتۋىنشا, ەسەم شامامەن سەگٸز-توعىز جىلدان بەرٸ جالعىز ساياحاتتاپ جٷر, الايدا بۇعان دەيٸن مۇنداي جاعداي بولماعان.
وتباسى ۆەتنامداعى قازاقستان كونسۋلىنا جٷگٸنگەن, الايدا ولاردىڭ ايتۋىنشا, دەمالىس كٷندەرٸنە بايلانىستى رەسمي رەسٸمدەر تەك دٷيسەنبٸ كٷنٸ باستالادى. جاقىندارى ۆەتنامدا جٷرگەن نەمەسە قىزدىڭ قايدا ەكەنٸ تۋرالى اقپارات بٸلەتٸن ادامداردان حابارلاسىپ, ٸزدەۋگە كٶمەكتەسۋدٸ سۇرايدى.
ال بٷگٸن سىرتقى ٸستەر مينيسترلٸگٸ ۆەتنامدا جوعالعان قازاق قىزىن ٸزدەپ جاتقانى حابارلاندى.
