Foto: Videodan skrin/instagram.com/megapolis.kz
Vetnamda kúmándi jaǵdaida joǵalyp ketken qazaqstandyq qyz tabyldy, dep habarlaidy Ult.kz Stan.kz-ke silteme jasap.
Ásemniń tabylǵany týraly onyń ápkesi habarlady. Ápkesiniń aitýynsha, qazir ol politsiia bólimshesinde otyr.
“Ol tiri, biraq jaǵdaiy alańdatady. Tergeý júrip jatqandyqtan, ázirge tolyq málimetti jariialai almaimyz. Eń bastysy – onyń tabylǵany”, – dedi ápkesi.
Eske salaiyq, buǵan deiin Qazaqstandyq Aýbakir Ásemniń týystary onyń Vetnamda joǵalyp ketkenin aitqan edi. Ol Qazaqstanǵa qaityp ushpaq bolǵan, alaida áýejaidaǵy tablodan óz reisin tappaǵan. Týystarynyń sózinshe, sol kezde ol eki táýlikke jýyq uiyqtamaǵan jáne qatty qorqyp, ózin bireýler baqylap júrgenin aitqan.
Otbasynyń málimetinshe, sońǵy banktik operatsiia 6 naýryz kúni saǵat 15:08-de tirkelgen, bul kezde taksige qarjy tólenipti. Sondai-aq joǵalar aldynda qyzdyń amerikalyq áielmen birge túski as ishkeni belgili. Jaqyndarymen sóilesken kezde onyń sózi túsiniksiz bolyp kóringen, ári olar onyń birtúrli kúide bolǵanyn baiqaǵan.
Týystarynyń aitýynsha, Ásem shamamen segiz-toǵyz jyldan beri jalǵyz saiahattap júr, alaida buǵan deiin mundai jaǵdai bolmaǵan.
Otbasy Vetnamdaǵy Qazaqstan konsýlyna júgingen, alaida olardyń aitýynsha, demalys kúnderine bailanysty resmi rásimder tek dúisenbi kúni bastalady. Jaqyndary Vetnamda júrgen nemese qyzdyń qaida ekeni týraly aqparat biletin adamdardan habarlasyp, izdeýge kómektesýdi suraidy.
Al búgin Syrtqy ister ministrligi Vetnamda joǵalǵan qazaq qyzyn izdep jatqany habarlandy.
