ۆەنگرييا "سپۋتنيك V" ۆاكتسيناسىنىڭ ەكٸ ميلليون دوزاسىن ساتىپ الۋ جٶنٸندە رەسەيمەن كەلٸسٸمگە قول قويدى. بۇل – كوروناۆيرۋس ينفەكتسيياسىنا قارسى رەسەي عالىمدارى جاساعان ۆاكتسينانى پايدالانۋ جٶنٸندە شەشٸم قابىلداعان ەۋروپا وداعىنداعى العاشقى ەل.
رەسەي دەنساۋلىق ساقتاۋ مينيسترٸ ميحايل مۋراشكومەن بٸرگە بريفينگ ٶتكٸزگەن ۆەنگرييا سىرتقى ٸستەر مينيسترٸ پەتەر سيييارتو "ٷلكەن كٶلەمدەگٸ ۆاكتسينا ەلگە ٷش بٶلٸكپەن جەتكٸزٸلەدٸ" دەدٸ.
كەيٸن رەسەي سىرتقى ٸستەر مينيسترٸ سەرگەي لاۆروۆپەن كەلٸسسٶز باستاردىڭ الدىندا سيييارتو"سپۋتنيكا V" ۆاكتسيناسىنىڭ 2 ميلليون داناسىن الۋ تۋرالى كەلٸسٸمگە قول قويعانىن حابارلادى. بۇل بٸر ميلليون ادامعا ەكپە سالۋعا جەتەدٸ (بٸر ادامعا ۆاكتسينانىڭ ەكٸ دوزاسى سالىنادى).
سيييارتونىڭ ايتۋىنشا, العاشقى لەكپەن كەلگەن ۆاكتسينا 300 مىڭ ادامعا ەكپە سالۋعا جەتەدٸ, ودان سوڭ 500 مىڭ جەنە 200 مىڭ ادامعا جەتەتٸن ۆاكتسينا ەكٸ بٶلەكپەن تاعى جەتكٸزٸلەدٸ. مينيستر ۆاكتسينالاردىڭ قاي كەزدە كەلەتٸنٸ جايلى ەشتەڭە ايتپادى.
ۆەنگرييا ٷكٸمەتٸ ەلدە كوروناۆيرۋسقا قارسى ەكٸ ۆاكتسينانى قولدانۋعا الدىن الا رۇقسات بەردٸ. ولار - بريتاندىق AstraZeneca جەنە رەسەيلٸك "سپۋتنيك V" ەكپەلەرٸ.
ۆەنگرييادا "سپۋتنيك V" ەكپەسٸن قولدانۋعا بەرٸلگەن رۇقسات مەرزٸمٸ – 6 اي. بۇل مەرزٸم كەيٸن تاعى التى ايعا سوزىلۋى مٷمكٸن.
Worldometer دەرەگٸ بويىنشا, ۆەنگرييادا كوروناۆيرۋس ينفەكتسيياسىمەن 358 مىڭداي ادام تٸركەلگەن, 12 مىڭداي كٸسٸ كٶز جۇمعان. 10 ميلليونعا جۋىق تۇرعىنى بار بۇل ەل Covid جۇقتىرعاندار سانى بويىنشا ەلەمدە 38-ورىندا.
ەۋروپا وداعىندا دەرٸ-دەرمەك قولدانۋ تەرتٸبٸن رەتتەيتٸن ەۋروپا دەرٸ-دەرمەك اگەنتتٸگٸ رەسەي ۆاكتسيناسىن قولدانۋعا ەلٸ رۇقسات بەرگەن جوق.
كوروناۆيرۋس جۇقتىرعاندار سانى جٶنٸنەن ەلەمدە تٶرتٸنشٸ ورىندا تۇرعان رەسەيدە ٶتكەن ايدان باستاپ سىناقتىڭ ٷشٸنشٸ كەزەڭٸن تولىق اياقتاماعان گامالەيا ورتالىعى ەزٸرلەگەن "سپۋتنيك V" پرەپاراتى تۇرعىندارعا ەگٸلە باستاعان.
رەسەي تٸكە ينۆەستيتسييا قورىنىڭ مەلٸمەتٸنشە, سودان بەرٸ "سپۋتنيك V" ۆاكتسيناسى 1,5 ملن ادامعا ەگٸلگەن.
بىلتىر رەسەي بيلٸگٸ سىناقتىڭ ٷشٸنشٸ كەزەڭٸ اياقتالماي جاتىپ ەكٸ ۆاكتسينا – "سپۋتنيك V" جەنە "ەپيۆاككورونا" ەكپەسٸنٸڭ تٸركەلگەنٸن حابارلاعان. تامىز ايىندا قازاقستان مەن رەسەي "سپۋتنيك V" جەتكٸزۋ تۋرالى كەلٸسٸمگە دە كەلگەن. بٸراق حالىقارالىق ساراپشىلار سىناقتىڭ ٷشٸنشٸ كەزەڭٸ اياقتالماعان رەسەيلٸك ۆاكتسيناعا كٷمەنمەن قاراعان. جەلتوقسان ايىنىڭ سوڭىندا "قاراعاندى دەرٸ-دەرمەك كەشەنٸندە" رەسەيلٸك "سپۋتنيك V" ۆاكتسيناسى ٶندٸرٸلە باستاعان. كەشەندە باستاپقى كەزەڭدە ۆاكتسينانىڭ 2 ملن دوزاسى شىعارىلادى دەپ وتىر.
