ۆەلوسپورتتان قازاقستان كومانداسىنىڭ باس باپكەرٸ اسان بازاەۆ توكيو وليمپياداسىندا ەل نامىسىن كٸمدەردٸڭ قورعايتىنى تۋرالى ايتتى, دەپ حابارلايدى "ۇلت اقپارات".
حالىقارالىق ۆەلوسپورت فەدەراتسيياسىنىڭ قورىتىندى رەيتينگٸ بويىنشا, قازاقستان كومانداسى تاس جولداعى ۆەلوجارىستان ٷش ليتسەنزييا, ترەكتەگٸ ۆەلوسپورتتان ەكٸ جولداما جەڭٸپ العان بولاتىن.
اتاپ ايتار بولساق, تاس جولداعى ۆەلوجارىستا ەل نامىسىن الەكسەي لۋتسەنكو, دميتريي گرۋزدەۆ جەنە ۆاديم پرونسكيي قورعاسا, ترەكتەگٸ ۆەلوسپورتتان ارتەم زاحاروۆ پەن سەرگەي پونومارەۆ سىنعا تٷسەدٸ.
تاس جولداعى ۆەلوجارىستا قازاقستان كومانداسىنىڭ كاپيتانى مٸندەتٸن الەكسەي لۋتسەنكو اتقارادى. دميتريي گرۋزدەۆ پەن ۆاديم پرونسكيي دە ەل نامىسىن قورعايدى
ايتا كەتەيٸك, ۇپاي جيناۋ كەزەڭدەرٸ 2018 جىلدىڭ 22 قازانى مەن 2019 جىلدىڭ 22 قازانى ارالىعىن قامتىدى. قورىتىندى ەسەپتە بٸزدٸڭ كوماندا 3259,35 ۇپايمەن 19-شى ورىنعا تابان تٸرەدٸ. بۇل رەتتە 2019 جىلى قازاقستان قورجىنىن ماڭىزدى ۇپايلارمەن تولتىرعان الەكسەي لۋتسەنكونىڭ ەڭبەگٸ ەرەكشە ەكەنٸن اتاپ ٶتۋ كەرەك.
سونداي-اق, قازاقستاندىق ۆەلوشاباندوزدار ازييا بٸرٸنشٸلٸگٸندە ٷش التىن الىپ, كوماندا رەيتينگٸنە 555 ۇپاي قوستى. وسىلايشا, 2004 جىلدان بەرٸ العاش رەت توپتىق سىندا قازاقستان اتىنان ٷش سپورتشى باق سىنايدى.
وليمپيادا ويىندارىندا ەرلەر اراسىنداعى بەسەكە 24 شٸلدە كٷنٸ توپتىق جارىسپەن باستالادى. جارىسقا 130 سپورتشى قاتىسپاق. ال جەكەلەي سىندا الەكسەي لۋتسەنكو باق سىنايدى.
توكيو وليمپياداسىندا ترەكتەگٸ ۆەلوسپورت دوداسى 1 تامىزدا باستالادى.
