قازاقستاندىق تانىمال بلوگەر مەيٸرجان تٶرەباەۆ مەديتسينا قىزمەتكەرلەرٸنە پرانك جاساعانى ٷشٸن جازالانۋى مٷمكٸن», دەپ حابارلايدى قازاقپارات.
ۆاينەر Instagram-داعى پاراقشاسىندا دەرٸگەرلەرگە پرانك جاساعان ۆيدەوسىن جارييالادى. الماتى قالالىق قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, بەينەجازباداعى مەديتسينا قىزمەتكەرلەرٸ №4 قالالىق ەمحانادا جۇمىس ٸستەيدٸ.
«ەمحانا باسشىلىعى قۇزىرلى ورگاندارعا ەكٸمشٸلٸك جاۋاپكەرشٸلٸك شاراسىن قولدانۋ تۋرالى ٶتٸنٸش جٸبەرەدٸ. سەبەبٸ ادامداردىڭ دەنساۋلىعى مەن دەنساۋلىق ساقتاۋ جٷيەسٸ تۋرالى كودەكس مەملەكەتتٸك ورگاندار مەن لاۋازىمدى تۇلعالاردىڭ مەديتسينا قىزمەتكەرٸنٸڭ كەسٸبي قىزمەتٸنە ارالاسۋىنا تىيىم سالادى», - دەپ حابارلادى الماتى قالالىق قوعامدىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
سونداي-اق, ۆەدومستۆو ەكٸمشٸلٸك كودەكستٸڭ 80-1-بابى 2-تارماعى «مەديتسينا قىزمەتكەرلەرٸنٸڭ زاڭدى قىزمەتٸنە كەدەرگٸ جاساۋ» تۋرالى دا ەسكە سالدى.
«بۇل مٸندەتٸن ورىنداپ جاتقان مەديتسينا قىزمەتكەرٸنە قۇرمەتسٸزدٸك تانىتۋ كٶرٸنٸسٸ, ۇياتسىز سٶزدەر, ەدەپسٸز قيمىلدار, بەلگٸلەر مەن زاتتاردى كٶرسەتۋ, سونىڭ ٸشٸندە بۇقارالىق اقپارات قۇرالدارىن نەمەسە تەلەكوممۋنيكاتسييا جەلٸسٸن قولدانۋ, ەدەپسٸز مٸنەز-قۇلىق, قورلاۋ. باپ سانكتسيياسى 30 اەك مٶلشەرٸندە ايىپپۇل سالۋدى نەمەسە 10 تەۋلٸككە دەيٸن قاماۋعا الۋدى كٶزدەيدٸ», - دەپ تولىقتىردى باسقارماداعىلار.
