Qazaqstandyq tanymal bloger Meiirjan Tórebaev meditsina qyzmetkerlerine prank jasaǵany úshin jazalanýy múmkin», dep habarlaidy QazAqparat.
Vainer Instagram-daǵy paraqshasynda dárigerlerge prank jasaǵan videosyn jariialady. Almaty qalalyq qoǵamdyq densaýlyq saqtaý basqarmasynyń málimetinshe, beinejazbadaǵy meditsina qyzmetkerleri №4 qalalyq emhanada jumys isteidi.
«Emhana basshylyǵy quzyrly organdarǵa ákimshilik jaýapkershilik sharasyn qoldaný týraly ótinish jiberedi. Sebebi adamdardyń densaýlyǵy men densaýlyq saqtaý júiesi týraly kodeks memlekettik organdar men laýazymdy tulǵalardyń meditsina qyzmetkeriniń kásibi qyzmetine aralasýyna tyiym salady», - dep habarlady Almaty qalalyq qoǵamdyq densaýlyq saqtaý basqarmasynyń baspasóz qyzmeti.
Sondai-aq, vedomstvo Ákimshilik kodekstiń 80-1-baby 2-tarmaǵy «Meditsina qyzmetkerleriniń zańdy qyzmetine kedergi jasaý» týraly da eske saldy.
«Bul mindetin oryndap jatqan meditsina qyzmetkerine qurmetsizdik tanytý kórinisi, uiatsyz sózder, ádepsiz qimyldar, belgiler men zattardy kórsetý, sonyń ishinde buqaralyq aqparat quraldaryn nemese telekommýnikatsiia jelisin qoldaný, ádepsiz minez-qulyq, qorlaý. Bap sanktsiiasy 30 AEK mólsherinde aiyppul salýdy nemese 10 táýlikke deiin qamaýǵa alýdy kózdeidi», - dep tolyqtyrdy basqarmadaǵylar.
