بيىلعى جىلدىڭ ەكٸنشٸ توقسانىندا ەۋرووداققا «BioNTech-Pfizer» ۆاكتسيناسىنىڭ قوسىمشا 50 ملن دوزاسى كەلٸپ تٷسەدٸ, دەپ حابارلايدى قازاقپارات.
بۇل تۋرالى بٷگٸن ەۋروپالىق كوميسسييانىڭ پرەزيدەنتٸ ۋرسۋلا ۆون دەر ليايەن مەلٸمدەدٸ. باستاپقىدا اتالعان 50 ملن دوزا 2021 جىلدىڭ تٶرتٸنشٸ توقسانىندا جەتكٸزٸلۋٸ كەرەك بولعان.
ٶندٸرٸستٸك قۋاتتىڭ ارتۋىنىڭ ارقاسىندا نەمٸس كومپانيياسى ٶندٸرٸس كٶلەمٸن ٶسٸرٸپ, ەو الدىنداعى مٸندەتتەمەسٸن مەرزٸمٸنەن بۇرىن ورىندادى.
بۇل Pfizer كومپانيياسىنىڭ ەو-عا جەتكٸزەتٸن دوزالارىنىڭ جالپى كٶلەمٸن ەكٸنشٸ توقساندا 250 ملن دوزاعا دەيٸن جەتكٸزۋگە مٷمكٸندٸك بەرەدٸ. دوزالار وداققا مٷشە بارلىق مەملەكەت اراسىندا حالىق سانىنا پروپورتسيونالدى تٷردە بٶلٸنەدٸ.
«بٸز ۋاقىت قىسىپ تۇر. ەۋروپالىق وداقتاعى ەرەسەكتەردٸڭ 70%-ىن ۆاكتسينالاۋ ماقساتىنا نەعۇرلىم تەزٸرەك جەتسەك, ۆيرۋستىڭ تارالۋىن تەجەۋ مٷمكٸندٸگٸ سوعۇرلىم جوعارى بولادى. جاقسى جاڭالىق - ۆاكتسيناتسييا ەۋروپانىڭ بارلىق ەلٸندە قارقىن الۋدا! كەشەگٸ جاعداي بويىنشا وداققا مٷشە مەملەكەتتەر ۆاكتسينانىڭ 126 ميلليوننان استام دوزاسىن الدى. بٷگٸن دە بٸز ەو-دا ەكپەنٸڭ 100 ميلليوننان استام دوزاسىن الدىق دەپ قۋانا ايتا الامىن. بۇل – بٸز ماقتانا الاتىن مەجە. وسى 100 ميلليون ەكپەنٸڭ تٶرتتەن بٸرٸنەن استامى ەكٸنشٸ كومپونەتتٸ دوزالار, دەمەك, بٸزدە قازٸر 27 ميلليوننان استام ادام تولىقتاي ۆاكتسينالاندى دەۋگە بولادى», - دەپ حابارلادى ۋ.ليايەن.
وسىعان سٷيەنە وتىرىپ, ەۋروپالىق كوميسسييانىڭ باسشىسى ەو Pfizer كومپانيياسىمەن ٷشٸنشٸ كەلٸسٸمشارت بويىنشا كەلٸسسٶزدەر جٷرگٸزەتٸنٸن مەلٸمدەدٸ. بۇل كەلٸسٸمشارت 2021-2023 جىلدار ارالىعىندا 1,8 ميلليارد دوزا ۆاكتسينا جەتكٸزۋدٸ كٶزدەيدٸ.
