Biylǵy jyldyń ekinshi toqsanynda Eýroodaqqa «BioNTech-Pfizer» vaktsinasynyń qosymsha 50 mln dozasy kelip túsedi, dep habarlaidy QazAqparat.
Bul týraly búgin Eýropalyq komissiianyń prezidenti Ýrsýla von der Liaien málimdedi. Bastapqyda atalǵan 50 mln doza 2021 jyldyń tórtinshi toqsanynda jetkizilýi kerek bolǵan.
Óndiristik qýattyń artýynyń arqasynda nemis kompaniiasy óndiris kólemin ósirip, EO aldyndaǵy mindettemesin merziminen buryn oryndady.
Bul Pfizer kompaniiasynyń EO-ǵa jetkizetin dozalarynyń jalpy kólemin ekinshi toqsanda 250 mln dozaǵa deiin jetkizýge múmkindik beredi. Dozalar odaqqa múshe barlyq memleket arasynda halyq sanyna proportsionaldy túrde bólinedi.
«Biz ýaqyt qysyp tur. Eýropalyq odaqtaǵy eresekterdiń 70%-yn vaktsinalaý maqsatyna neǵurlym tezirek jetsek, virýstyń taralýyn tejeý múmkindigi soǵurlym joǵary bolady. Jaqsy jańalyq - vaktsinatsiia Eýropanyń barlyq elinde qarqyn alýda! Keshegi jaǵdai boiynsha odaqqa múshe memleketter vaktsinanyń 126 millionnan astam dozasyn aldy. Búgin de biz EO-da ekpeniń 100 millionnan astam dozasyn aldyq dep qýana aita alamyn. Bul – biz maqtana alatyn meje. Osy 100 million ekpeniń tórtten birinen astamy ekinshi komponetti dozalar, demek, bizde qazir 27 millionnan astam adam tolyqtai vaktsinalandy deýge bolady», - dep habarlady Ý.Liaien.
Osyǵan súiene otyryp, Eýropalyq komissiianyń basshysy EO Pfizer kompaniiasymen úshinshi kelisimshart boiynsha kelissózder júrgizetinin málimdedi. Bul kelisimshart 2021-2023 jyldar aralyǵynda 1,8 milliard doza vaktsina jetkizýdi kózdeidi.
