فوتو: قر دسم
قاراعاندى وبلىسىندا بالانىڭ قايتىس بولۋىنا بايلانىستى تەكسەرٸس باستالدى. دەنساۋلىق ساقتاۋ مينيسترلٸگٸ جاعدايدىڭ كٷردەلٸ مەديتسينالىق سەبەپتەرمەن بايلانىستى ەكەنٸن مەلٸمدەدٸ, دەپ حابارلايدى Ult.kz.
قاراعاندى وبلىسىندا بالانىڭ قايتىس بولۋ دەرەگٸ بويىنشا جان-جاقتى تەكسەرۋ جٷرگٸزٸلٸپ جاتىر. دەنساۋلىق ساقتاۋ مينيسترلٸگٸ مارقۇمنىڭ تۋعان-تۋىستارى مەن جاقىندارىنا كٶڭٸل ايتتى.
رەسمي مەلٸمەتكە سەيكەس, بالا اۋرۋ باستالعاننان كەيٸنگٸ ەكٸنشٸ تەۋلٸكتە ينفەكتسييالىق ورتالىققا جاتقىزىلعان. جاعدايى كٷرت ناشارلاپ, كەيٸن رەانيماتسييا جەنە قارقىندى تەراپييا بٶلٸمشەسٸنە اۋىستىرىلعان.
تەكسەرۋ بارىسىندا ناۋقاستا باكتەرييالىق, ۆيرۋستىق جەنە ساڭىراۋقۇلاق تەكتٸ قوزدىرعىشتار قاتار كەزدەسكەن ارالاس ينفەكتسييا انىقتالعان. مامانداردىڭ ايتۋىنشا, دەرتتٸڭ اۋىر ٶتۋٸنە ايقىن يممۋن تاپشىلىعى مەن تۋعاننان باستاپ ۆاكتسيناتسييانىڭ بولماۋى ەسەر ەتكەن. بۇل اعزانىڭ ينفەكتسيياعا قارسى تۇرۋ قابٸلەتٸن ەلسٸرەتٸپ, ەمنٸڭ تيٸمدٸلٸگٸن تٶمەندەتكەن.
دەرٸگەرلەر مەديتسينالىق كٶمەكتٸڭ تولىق كٶلەمدە, قولدانىستاعى كلينيكالىق حاتتامالارعا سەيكەس كٶرسەتٸلگەنٸن حابارلادى. ەمدەۋ تاكتيكاسى بٸرنەشە مەرتە رەسپۋبليكالىق دەڭگەيدەگٸ كونسيليۋمداردا قارالىپ, وعان جەتەكشٸ بالالار ينفەكتسيونيستەرٸ, پۋلمونولوگتار مەن رەانيماتولوگتار قاتىسقان.
سونداي-اق ەكستراكورپورالدىق مەمبرانالىق وكسيگەناتسييا (ەكمو) ەدٸسٸن قولدانۋ مٷمكٸندٸگٸ تالقىلانعان. الايدا ناۋقاستىڭ جاعدايىن ەسكەرە وتىرىپ, بۇل تەسٸلدٸ پايدالانۋ ۇسىنىلماعان.
قارقىندى تەراپييا جٷرگٸزٸلگەنٸمەن, بالانى امان الىپ قالۋ مٷمكٸن بولماعان.
مينيسترلٸك مۇنداي جاعدايلاردىڭ مەديتسينالىق تۇرعىدان اسا كٷردەلٸ ەكەنٸن اتاپ ٶتتٸ. اۋىر ينفەكتسييا, يممۋن تاپشىلىعى جەنە ۆاكتسيناتسييانىڭ بولماۋى قاتار كەلگەندە, تٸپتٸ ۋاقتىلى كٶرسەتٸلگەن ەمنٸڭ ٶزٸ نەتيجەسٸز بولۋى مٷمكٸن.
قازٸرگٸ ۋاقىتتا كٶرسەتٸلگەن مەديتسينالىق كٶمەكتٸڭ ساپاسىن باعالاۋ ٷشٸن تەۋەلسٸز ساراپشىلار تارتىلىپ, قوسىمشا تەكسەرۋ جٷرگٸزٸلمەك. قۇزىرلى ورگان قوعامدى تەك رەسمي اقپاراتقا سٷيەنۋگە جەنە راستالماعان مەلٸمەتتەردٸ تاراتپاۋعا شاقىردى.
