قر كلينيكالىق جەنە ٸرگەلٸ مەديتسينا اكادەميگٸ, اسفەنديياروۆ اتىنداعى قازۇمۋ ەپيدەميولوگييا كافەدراسىنىڭ جەنە قازاق مەديتسينالىق ٷزدٸكسٸز بٸلٸم بەرۋ ۋنيۆەرسيتەتٸنٸڭ پروفەسسورى سەكەن ەمٸرەەۆ ونلاين بريفينگ بارىسىندا ۆاكتسيناتسييالاۋ ٸسٸنە قاتىستى ويىن ايتتى, دەپ حابارلايدى قازاقپارات.
ونىڭ ايتۋىنشا, كەز كەلگەن ۆاكتسينا شىعارۋ ٸسٸندە الدىمەن ونىڭ قاۋٸپسٸزدٸگٸ مەن قورعانىش قاسيەتٸنە كٶڭٸل بٶلٸنەدٸ.
«قازٸر بٸرنەشە مەملەكەتتە كوروناۆيرۋسقا قارسى ۆاكتسينا شىعارىلىپ جاتىر. سونىڭ ٸشٸندە رەسەي تٶرت تٷرلٸ ۆاكتسينا, ال قازاقستان بٸر ۆاكتسينانى ٶندٸرۋدٸ قولعا الدى. بۇل ۆاكتسينالاردىڭ تيٸمدٸلٸگٸ قانداي دەگەنگە كەلسەك, جالپى كەز كەلگەن ۆاكتسيناعا قاۋٸپسٸزدٸگٸ مەن قورعانىش قاسيەتٸ جايلى شارت قويىلادى. قاۋٸپسٸزدٸك مەسەلەسٸ ٶتە ماڭىزدى. كەيدە ٶتە سيرەك بولسا دا, ونىڭ اسقىنۋلارىن بايقاۋعا بولادى», - دەيدٸ ول.
سونىمەن قاتار ول حالىققا قازٸرگٸ ۆاكتسينالاۋ ٸسٸن جان-جاقتى تٷسٸندٸرۋ قاجەتتٸلٸگٸن ايتتى.
«كوروناۆيرۋسقا قارسى ۆاكتسينا جاقىندا شىققاندىقتان حالىق اراسىندا وعان قاتىستى سۇراقتىڭ تۋىنداۋى زاڭدى. ونى بٸز دۇرىس تٷسٸندٸرە بٸلۋٸمٸز كەرەك. دەگەنمەن قورقاتىن ەشتەڭە جوق. بۇل ۆاكتسينانى جاساماساق, حالىقتىڭ كٶپشٸلٸگٸن قورعاي المايمىز. قازٸر ەلەم بويىنشا وسى ۆاكتسينامەن عانا قورعانا الامىز دەگەن قاعيدا قابىلداندى. وعان قوسا بۇل ۆاكتسينا قانشا ۋاقىتقا دەيٸن ساقتايدى دەگەن سۇراقتار تۋىنداۋدا. وعان جاۋاپ بەرۋ ٷشٸن بٸراز ۋاقىت كەرەك», - دەيدٸ پروفەسسور.
ەپيدەميولوگتىڭ سٶزٸنشە, ۆاكتسينانىڭ ارقاسىندا ۇجىمدىق يممۋنيتەت قالىپتاسادى. ياعني, پاندەمييا تٶمەندەيدٸ.
«ٶزدەرٸڭٸز بٸلەسٸزدەر, كٶپتەگەن ينفەكتسييالىق اۋرۋلاردى تەك ۆاكتسينالاردىڭ كٶمەگٸمەن جەڭدٸ. سوندىقتان بٸز ۋاقىتىندا ۆاكتسيناتسييادان ٶتۋٸمٸز كەرەك. ادامدار ۆاكتسينا الۋدان قورقادى. پاندەمييانى توقتاتۋ ٷشٸن حالىقتىڭ 95% ۆاكتسيناتسييادان ٶتۋٸ كەرەك. بۇل ۆيرۋستى ۆاكتسيناسىز توقتاتۋ مٷمكٸن ەمەس», - دەيدٸ سپيكەر.
