ۆاكتسينادان سوڭ التى ايدان كەيٸن اعزاداعى انتيدەنە دەڭگەيٸ تٶمەندەيدٸ. بۇل تۋرالى الماتى ٶڭٸرلٸك كوممۋنيكاتسييالار قىزمەتٸنٸڭ الاڭىندا س.د. اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸنٸڭ جۇقپالى جەنە تروپيكالىق اۋرۋلار كافەدراسىنىڭ پروفەسسورى راۆيليا ەگەمبەرديەۆا ايتتى, دەپ حابارلايدى قازاقپارات.
سپيكەردٸڭ سٶزٸنشە, اعزاداعى انتيدەنە دەڭگەيٸ تٶمەندەسە, ادام كورونوۆيرۋس ينفەكتسيياسىن جۇقتىرىپ الۋى ەبدەن مٷمكٸن.
«باقىلاۋ كٶرسەتكەندەي, التى ايدان كەيٸن ۆاكتسيناتسييالانعان انتيدەنەلەردٸڭ دەڭگەيٸ تٶمەندەيدٸ, ياعني اۋرۋدىڭ ىقتيمالدىعى ارتادى. سوندىقتان رەۆاكتسيناتسييانىڭ مەنٸ زور. ايتا كەتۋ كەرەك, بارلىق ۆاكتسيناتسييا ٶمٸر بويىنا قورعامايدى. مىسالى, سٸرەسپە اۋرۋىنا قارسى ۆاكتسينا ەر ون جىل سايىن سالىنادى. گيپاتيت ۆ –عا بەس جىلدا بٸر رەت ەگٸلەدٸ. تۇماۋعا قارسى ەكپەنٸ جىلدا الۋ كەرەك. وسىنى- رەۆاكتسيناتسييا دەيمٸز», - دەيدٸ ول.
سونىمەن قاتار, ول رەۆاكتسيناتسييا قالاي جٷرگٸزٸلەتٸنٸن ايتتى.
«كۆي-گە قارسى رەۆاكتسيناتسييالاۋ مىناداي ارالىقتاردى ساقتاي وتىرىپ جٷرگٸزٸلەدٸ: ۆەكتورلىق ۆاكتسينالاردى ەنگٸزگەننەن كەيٸن - 9 ايدان كەيٸن; بەلسەندٸلٸگٸ جويىلعان ۆاكتسينالاردى جەنە م-رنق-ۆاكتسينالاردى ەنگٸزگەننەن كەيٸن - 6 ايدان كەيٸن. كوروناۆيرۋسقا قارسى رەۆاكتسيناتسييالاۋدى كۆي-گە قارسى العاشقى ۆاكتسيناتسييالاۋ كۋرسىنا پايدالانىلعان ۆاكتسينامەن جٷرگٸزۋگە جول بەرٸلەدٸ», - دەپ ناقتىلادى سپيكەر.
