الماتىدا كوروناۆيرۋس ۆاكتسيناسىن سالدىرۋ ٷشٸن تۇرعىلىقتى جەرٸ بويىنشا تٸركەلۋ تالاپ ەتٸلە مە? بۇل ساۋالعا ونلاين بريفينگ بارىسىندا قالالىق قوعامدىق دەنساۋلىق ساقتاۋ باسقارماسىنىڭ باستىعى ناريمان تابىنباەۆ جاۋاپ بەردٸ, دەپ حابارلايدى قازاقپارات.
ونىڭ ايتۋىنشا, الماتىلىقتاردىڭ باسىم بٶلٸگٸ ۆاكتسينانى تٸركەلگەن ەمحانالارىندا سالدىرادى.
«ەگەر ول الماتى قالاسىنىڭ تۇرعىنى بولسا جەنە جۇمىس ورنى بويىنشا جاقىن كلينيكاعا جٷگٸنسە, وندا ودان ەشكٸم باس تارتپايدى. بٸزدە قالاعا كەلٸپ, وسىندا جۇمىس ٸستەيتٸن ادامدار بار. مىسالى, الماتىدا جۇمىس ٸستەيتٸن مەديتسينا قىزمەتكەرلەرٸنٸڭ 30% - قالا سىرتىنان كەلەتٸندەر. قالالىق دەنساۋلىق ساقتاۋ باسقارماسى مەديتسينالىق مەكەمەلەرگە جۇمىس ورنىندا ۆاكتسينا ەگۋگە رۇقسات بەردٸ. الماتىدا تۇراتىنداردىڭ بارلىعىنا ەكپە قولجەتٸمدٸ. ەگەر ولار تٸركەلگەن ەمحاناسىندا سالدىرعىسى كەلسە, جازىلىپ, كەزەككە تۇرا الادى», - دەدٸ ول.
