الماتى قالاسى №20 ەمحانا باس دەرٸگەرٸنٸڭ ورىنباسارى مارجان ەليەۆا ونلاين بريفينگ بارىسىندا «سپۋتنيك V» ۆاكتسيناسىنىڭ ادامدى قانشالىقتى قورعاي الاتىنىن ايتتى, دەپ حابارلايدى قازاقپارات.
ونىڭ ايتۋىنشا, زەرتتەۋلەرگە سەيكەس «سپۋتنيك V» ۆاكتسيناسىنىڭ تيٸمدٸلٸگٸ - 91,6%.
«بۇل كٶرسەتكٸش «سپۋتنيك V» ۆاكتسيناسىن العان 19 866 ەرٸكتٸ تۋرالى مەلٸمەتتەر نەگٸزٸندە جاسالدى», - دەيدٸ دەرٸگەر.
سونىمەن قاتار ول «ۆاكتسينا العان ادام كوروناۆيرۋسپەن اۋىرۋى مٷمكٸن بە?» دەگەن ساۋالعا جاۋاپ بەردٸ.
«قازٸر وسىعان بايلانىستى ارنايى زەرتتەۋلەر جٷرگٸزٸلٸپ جاتىر. «سپۋتنيك V» ۆاكتسيناسىندا يممۋنيتەت 2 جىلعا جۋىق ساقتالادى. بۇل ۆاكتسينا ەكٸ كەزەڭ بويىنشا سالىنادى, ادام العاش ەكپەنٸ العان كەزدە كٶپشٸلٸك جەرگە شىقپاعانى جٶن, بۇل ارالىقتا يممۋنيتەت قالىپتاسادى. ياعني بۇل كەزدە كوروناۆيرۋسپەن اۋىرىپ قالۋ قاۋپٸ بار», - دەيدٸ مارجان ەليەۆا.
سونىمەن قاتار, ول ەلەۋمەتتٸك جەلٸدە ۆاكتسيناعا قاتىستى تٷرلٸ قاۋەسەت تاراپ جاتقانىن تٸلگە تيەك ەتتٸ.
«ەمحانانىڭ كولل-ورتالىعىنا ۆاكتسينا سالۋ بويىنشا تۇرعىندار حابارلاسىپ, قىزعۋشىلىق بٸلدٸرٸپ جاتىر. سونداي-اق قوعامدا ۆاكتسيناعا قاتىستى ٷرەي دە بار. ەلەۋمەتتٸك جەلٸلەردە بۇل ادامدى «چيپتەۋ» نەمەسە ونىڭ كەرٸ ەسەرٸ بار دەگەن ماعىنادا قاۋەسەت تاراپ جاتىر. دەسەك تە, ەرەسەكتەر بۇل ۆاكتسينانىڭ قاۋٸپتٸ ٸندەتتٸ جەڭۋدٸڭ جالعىز جولى ەكەنٸن بٸلەدٸ. ۆاكتسينا قالىپتى ٶمٸرٸمٸزگە ورالۋعا كٶمەكتەسەدٸ», - دەدٸ ول.
