قازاقستاندىقتار Telegram-دا ۆاكتسينا قۇرامىندا ماگنيت بٶلشەكتەر بار ەكەنٸ تۋرالى تەورييانى تاعى دا تاراتىپ جاتىر. بۇل جولى "دەلەل" رەتٸندە دوكتور دجەين رۋبيدٸڭ سۇحباتى الىنعان. ول ماگنيت بٶلشەكتەر ۆاكتسينا قۇرامىنداعى mRNA-نى ادام اعزاسىنداعى جاسۋشالارعا "يتەرۋ" ٷشٸن قاجەت دەپ مەلٸمدەگەن, - دەپ حابارلايدى Stopfake.kz.
پورتال مەلٸمەتٸ بويىنشا, شىن مەنٸندە دجەين رۋبي دەرٸگەر ەمەس. ول ٶزٸن دەنساۋلىق ساقتاۋ ەكونوميستٸ جەنە پسيحولوگييا دوكتورى دەرەجەسٸ بار ساياسي ساراپشى رەتٸندە تانىستىرادى.
بۇعان دەيٸن ول COVID-19 پاندەميياسىنا بايلانىستى جالعان اقپارات تاراتقانى ٷشٸن بايقالعان. بۇل جولى ول COVID-19-دىڭ الدىن الۋعا ارنالعان پرەپاراتتار ٶندٸرٸسٸندە ماگنيت بٶلشەكتەر ەدەيٸ قولداناتىنىن مەلٸمدەگەن. ول ۆاكتسينا العان ادامداردىڭ قولىنا ماگنيتتٸڭ تارتىلۋ "قۇبىلىسىن" وسىلاي تٷسٸندٸرەدٸ, دەلٸنگەن پورتالدا.
قازٸرگٸ ۋاقىتتا عالىمدار دنق ۆاكتسينالارىن ٶندٸرۋدە قولدانۋعا بولاتىن سۋپەرپاراماگنيتتٸ نانوبٶلشەكتەردٸ زەرتتەۋمەن اينالىسىپ جاتىر. الايدا دنق پلاتفورماسىندا جاسالعان بٸردە-بٸر ۆاكتسينا جوق. سونىمەن قاتار, سۋپەرپاراماگنيتتٸ نانوبٶلشەكتەردٸ قولدانۋ تەك زەرتتەۋ ساتىسىندا جەنە دەرٸ-دەرمەك ٶندٸرۋدە قولدانىلمايدى.
پورتال اقپاراتىنا سٷيەنسەك, Pfizer/BioNTech جەنە Moderna سيياقتى مرنق ۆاكتسينالارىندا ليپيدتٸ نانوبٶلشەكتەر جاسۋشالارعا مرنق-نى جەتكٸزۋ ٷشٸن قولدانىلادى. ولار ماگنيتتٸك قاسيەتكە يە ەمەس جەنە اعزاعا زييان كەلتٸرمەستەن قىسقا ۋاقىت ٸشٸندە ىدىرايدى. باسقا ۆاكتسينالاردا, سونىڭ ٸشٸندە قازاقستاندا قولدانىلاتىن ەكپەلەردە ماگنيت بٶلشەكتەر جوق.
