دەنساۋلىق مينيسترلٸگٸ ٶتكٸزگەن ونلاين دەرٸستە اللەرگولوگ-يممۋنولوگ رافايل روزەنسون ۆاكتسينا العاننان كەيٸن دە ۆيرۋس جۇقتىرۋدىڭ سەبەبٸن تٷسٸندٸردٸ, دەپ حابارلايدى قازاقپارات.
«ۆاكتسينانىڭ بٸرٸنشٸ كومپونەنتٸن الىپ, اۋرۋ جۇقتىرعاندار تۋرالى كٶپ وقىپ تا, ەستٸپ تە جٷرمٸز. ونداي جولى بولماعاندار بٸرەن-ساران عانا. ونداي ادامدار ەكپە الماي تۇرىپ اۋرۋ جۇقتىرعان. وسىنى تٷسٸنۋ كەرەك. ول ۆيرۋستى ۆاكتسينا الماي تۇرىپ كەزدەستٸردٸ دەگەن سٶز. سوندىقتان, ۆاكتسينا السا دا اۋىرعان. ونداي ادامداردىڭ دا ٶمٸرمەن قوشتاسۋى ٶتە سيرەك بولادى. بٸر-ەكٸ جاعداي بولعانىن مەن دە ەستٸدٸم. ۆاكتسينا العاننان كەيٸن, اۋىرىپ, كٶز جۇمعان. بٸراق بۇلار ٸلەسپە اۋرۋلارى كٶپ, ەگدە ادامدار ەدٸ», - دەگەن دەرٸگەر ۆاكتسينا العاننان كەيٸن كەمٸندە 10 كٷن ساقتانىپ جٷرۋ كەرەكتٸگٸن ەسكەرتتٸ.
«ەگەر ادام ۆاكتسينا العاننان كەيٸن تىم قۇرىعاندا 10 كٷن ٶتكەن سوڭ ۆيرۋستى جولىقتىرعان بولسا, مۇنداي قايعىلى جاعداي بولماۋشى ەدٸ. ۆاكيتسنا العاننان كەيٸن ۆيرۋس نەعۇرلىم كەش جولىقسا, اعزاعا سوعۇرلىم جەڭٸل بولادى. ۆاكتسينا بٸرٸنشٸ كٷننەن باستاپ قاۋٸپسٸزدٸككە كەپٸل بولا المايدى. ەكپە الدىڭ با, العاشقى 10 كٷندە ٷيدەن شىقپا, ۆاكتسيناعا انتيدەنە قالىپتاستىرىپ ال», - دەيدٸ مامان.
رافايل روزەنسون بۇعان دەيٸ ۆاكتسينا العانان كەيٸن قايتىس بولعان ادامداردىڭ ەشبٸرٸندە ۆاكتسينانى اۋرۋدى بەلسەندٸرگەنٸ تۋرالى دەلەل جوق دەگەن پٸكٸر ايتتى.
«كٶبٸنەسە ادامدار ەكٸ فاكتوردان كٶز جۇمعان. نە قان قۇرامىنداعى تسيتوكيندەردٸڭ كٷرت ارتۋىنان, نە تامىر ٸشٸندە قاننىڭ بەلسەندٸ ۇيۋىنان قايتىس بولعان. اتالعان اقاۋلاردى ۆاكتسينا تۋعىزعانى تۋرالى بٸر دە بٸر دەلەل جوق. ال ادام ۆاكتسينا العاننان كەيٸن 14 كٷن ٶتكەن كەزدە ۆيرۋس جۇقتىرسا ينفەكتسييا ەلدەقايدا جەڭٸل ٶتەدٸ», - دەدٸ ساراپشى.
