ۇجىمداعى بۋللينگ: قالاي قارسى تۇرۋعا بولادى?

فوتو: pinterest

Ult.kz-تە جيھانكەز جۋرناليست دينارا بولاتتىڭ ٶزگە پايىمى.

بٸزدٸڭ قوعامدا كەڭ تارالعان مەسەلەنٸڭ بٸرٸ قىزمەتتە قىسىم كٶرۋ. كەيدە باسشىلىقتان, كەيدە تەجٸريبەلٸ ەرەسەك بۋىننان, ال كەيدە تۇتاس ۇجىمنىڭ بۋللينگ جاساۋى دا عاجاپ ەمەس. 

بۋللينگتٸڭ الدىن الۋ

جاڭادان قىزمەتكە كەلگەن ماماننىڭ ەرەكەتٸ قانداي بولۋ كەرەك? ەدەتتە جاڭادان كەلگەن جاس مامان ٶزٸن ٶتە بٸلٸمدٸ, بەلسەندٸ كٶرسەتۋگە ۇمتىلىپ, بارلىعىمەن بٸردەي جاقسى ارالاسىپ كەتۋگە تىرىسىپ, قاتە جٸبەرەدٸ. سول جەردە بۇرىننان كەلە جاتقان قىزمەتكەرلەردٸڭ الدىندا ٶزٸن تىم سەنٸمدٸ, بيٸك ۇستاۋ, سول قىزمەتتە بۇرىننان قالىپتاسقان دەستٷردٸ سىناۋ, قىزمەت جٷيەسٸنە ٶزگەرٸستەر ەنگٸزۋگە تىرىسۋ ‒ ٷلكەن قاتە. مۇنداي ەرەكەت ەشكٸمگە ۇناي قويمايدى.

ەكٸنشٸدەن, بەرٸمەن بەلسەندٸ ارالاسۋ, ٸشكٸ ساياساتقا كٸرٸسۋ, ۇجىم ٸشٸندەگٸ بەلگٸلٸ بٸر تاراپقا قاتتى جاقىنداۋ نەمەسە باسشىلىققا ۇناۋعا تىرىسۋ الاۋىزدىققا, ٶزٸڭٸزگە قارسى تاراپتاردىڭ پايدا بولۋىنا ەكەلەتٸنٸن ەسكەرۋ كەرەك. تىم بەلسەندٸلٸكپەن قاتار, تىم جۇمساقتىق تا "سٸزدٸ باسىنۋعا بولادى" دەگەن پٸكٸر قالىپتاستىرادى. سوندىقتان ەر ەرەكەتٸڭٸز ورىندى, ناقتى, سالقىنقاندى بولۋى تيٸس.

بۋللينگ كٶرٸنٸسٸ

جەكە باسىن كەمسٸتۋ, ايقايلاۋ, جيٸ بايلانۋ سەكٸلدٸ تٸكەلەي بۋللينگ تٷرٸ بولادى. ەدەيٸ شامادان ارتىق جٷكتەمە بەرٸپ, جۇمىستى قيىنداتىپ, قاجەت اقپاراتسىز قالدىرىپ سابوتاج جاسايتىن نەمەسە باسشىلىق تاراپىنان قىسىم جاساپ, قىزمەتكەردٸڭ ارتىنان ٶسەك تاراتاتىن جاناما بۋللينگ تٷرلەرٸ دە كەزدەسەدٸ. بۇلارمەن كٷرەسۋ قيىن. بٸراق مٷمكٸن.

بۋللينگپەن كٷرەس 

قىزمەتتەگٸ قىسىمدى سەزٸنە باستاعان سەتتەن ٶزٸڭٸزدٸڭ شەكاراڭىزدى ناقتى, ەرٸ ەدەپتٸ تٷردە بەكٸتٸپ وتىرساڭىز ٷلكەن جانجالدىڭ الدىن الۋعا مٷمكٸندٸك بەرەدٸ. اقىرى ٷلكەن داۋدىڭ بولاتىنىن سەزسەڭٸز, ەر جاعدايدى ٶزٸڭٸزدٸ قورعاۋ ماقساتىندا تٸركەپ وتىرعان ابزال. بولعان كٷنٸ, ۋاقىتى, قانداي سٶزدەر ايتىلدى, حاتتار, سكرينشوتتار بەرٸ قاجەت بولادى. باسشىلىققا, ۇجىمعا جاعدايدى جەتكٸزٸپ, ونى وڭتايلاندىرۋدى تالاپ ەتۋ كەزٸندە بارلىق سٶزٸڭٸز, حاتىڭىز ەموتسييا مەن اگرەسسيياسىز ەدەپپەن, فاكتٸلەرمەن جەتكٸزٸلۋٸ ٶزٸڭٸزدٸڭ ادەكۆات ادام ەكەنٸڭٸزدٸ كٶرسەتەدٸ.

پايىم

كەي جاعدايدا ۇجىمدىق بۋللينگتٸڭ تۋىنداۋى ماماننىڭ ٶزٸنە بايلانىستى. كەي جاعدايدا باسشىلىقتىڭ, قىزمەتتە قالىپتاسقان جٷيەگە بايلانىستى. كەلٸسسٶزگە اشىق, جاقسى مامانداردى ساقتاۋ, كادر تەربيەلەۋدٸ جولعا قويعان قىزمەت ورىندارىندا بۋللينگ ورىن العان جاعدايدىڭ ٶزٸندە شەشٸمٸن تابادى. ال كەي جاعدايدا بەرٸ بەكەر. مامان قىزمەتتە ٷنسٸز شىداۋى مٷمكٸن. سەبەبٸ ەرەڭ تاپقان قىزمەت, ونىڭ جالاقىسى دا جامان ەمەس, بالا-شاعانى اسىراۋ كەرەك, كەي قىزمەتكەردە نەسيە دە بار.  تابىس تا, كارەرا دا ماڭىزدى. الايدا دەنساۋلىق پەن جەكە قادٸر-قاسيەتتەن ماڭىزدى ەشنەرسە جوق.  قىزمەتتەگٸ قىسىم دەنساۋلىققا, پسيحيكاعا سالماق تٷسٸرە باستاسا   ‒ ول جەردەن كەتۋ ەڭ دۇرىس شەشٸم. ال جاقسى ماماندى ساقتاي الماۋ قاشاندا مەكەمە مەن باسشىلىققا سىن.

دينارا بولات