قازاقستان رەسپۋبليكاسى مەدەنيەت جەنە سپورت مينيسترلٸگٸنٸڭ باستاماسىمەن «جاز ەۋەندەرٸ» ونلاين جوباسى جٷزەگە اسىرىلۋدا, دەپ حابارلايدى "ۇلت اقپارات" كونتسەرتتٸك-گاسترولدٸك قىزمەت ورتالىعىنىڭ باسپاسٶز قىزمەتٸنە سٸلتەمە جاساپ.
قازاقستاندىقتارعا وبلىستىق كونتسەرتتٸك ۇيىمداردىڭ ٷزدٸك كونتسەرتتەرٸ جيناعىن ۇسىنۋعا باعىتتالعان اتالمىش جوبا اعىمداعى جىلدىڭ 24 شٸلدەسٸ كٷنٸ اقتٶبە وبلىسى ٶنەرپازدارىنىڭ كونتسەرتٸمەن باستاۋ الدى.
جوبانىڭ ماقساتى – ەلەمدٸك كوروناۆيرۋس ٸندەتٸ كەزٸندە YouTube ارناسى كٶرەرمەندەرٸ مەن قازاقستاندىقتارعا رۋحاني دەم بەرۋ, ولاردى قازاقستاندىق ٷزدٸك شىعارماشىلىق ۇجىمداردىڭ ٶنەرٸ ارقىلى قولداۋ, ۇلتتىق قۇندىلىقتاردى ناسيحاتتاۋ, ٶنەردٸڭ تٷرلٸ جانرلارىن كەڭٸنەن دەرٸپتەۋ بولىپ تابىلادى.
جوبانى «قازاقكونتسەرت» مەملەكەتتٸك كونتسەرتتٸك ۇيىمى» جانىنداعى كونتسەرتتٸك-گاسترولدٸك قىزمەت ورتالىعى ٷيلەستٸرۋدە.
بٷگٸنگٸ كٷنگە دەيٸن 15 ٶڭٸردٸڭ فيلارمونيياسى جانىنداعى شىعارماشىلىق ۇجىمداردىڭ ونلاين-كونتسەرتتەرٸ مەدەنيەت جەنە سپورت مينيسترلٸگٸنٸڭ YouTube ارناسى ارقىلى كٶرسەتٸلٸپ, كٶرەرمەندەرگە ۇسىنىلدى. جوبا 2020 جىلدىڭ تامىز ايىنىڭ سوڭىنا دەيٸن جالعاسىپ, وعان 30-دان استام كونتسەرتتٸك ۇيىمدار تارتىلاتىن بولادى.
جوبانىڭ جٷزەگە اسىرىلۋى بارىسىندا قارالىم جٶنٸنەن ٶڭٸرلەردٸڭ ٶزارا بەسەكەلەسۋٸ بايقالادى. مەسەلەن, قىزىلوردا, الماتى, شىعىس قازاقستان وبلىستارىنىڭ فيلارمونييالارى ۇسىنعان ونلاين-كونتسەرتتەرٸ كٶرەرمەندەرٸنٸڭ بەلسەندٸلٸگٸ ايتارلىقتاي ارتتى.
