بٷگٸن استانادا قازاقستان رەسپۋبليكاسى تۇڭعىش پرەزيدەنتٸ – ەلباسى قورى قازاقستان حالىقتارىنىڭ تٸلدەرٸ كٷنٸنە وراي ٷزدٸك قازاقتٸلدٸ ينتەرنەت-سايت بايقاۋىنا ٶتٸنٸمدەر قابىلداۋ باستالعانىن جارييالادى. بايقاۋ ٶتكٸزۋدەگٸ سەرٸكتەس – مەملەكەتتٸك تٸلدٸ دامىتۋ قورى.
بايقاۋ ماقساتى – ينتەرنەت جٷيەسٸندەگٸ ٷزدٸك قازاقتٸلدٸ رەسۋرستاردى انىقتاۋ مەن ناسيحاتتاۋعا, اقپاراتتىق رەسۋرستار مەن سەرۆيستەردٸڭ سانى مەن ساپاسىن ارتتىرۋعا, جەلٸ قولدانۋشىلارىنىڭ قىزىعۋشىلىعىن ۇلعايتۋعا, اقپارات كەڭٸستٸگٸندە قازاق تٸلٸنٸڭ قولدانىس اياسىن كەڭەيتۋگە جەنە ٷزدٸكتەردٸڭ تانىمالدىلىعىن كٶتەرۋگە ىقپال ەتۋ.
بايقاۋعا ٷكٸمەتتٸك ەمەس, تەۋەلسٸز قوعامدىق سايتتار, عالامتور كەڭٸستٸگٸندەگٸ تەجٸريبەسٸ كەمٸندە بٸر جىلدى قۇرايتىن, قازاق تٸلٸندە اقپارات تاراتاتىن جەنە قىزمەت تٷرٸ قازاقستان رەسپۋبليكاسىنىڭ قولدانىستاعى زاڭناماسىنا قايشى كەلمەيتٸن كەز كەلگەن سايت قاتىسا الادى. بايقاۋعا مەملەكەتتٸك ورگانداردىڭ, شەتەلدٸك ۇيىمداردىڭ, بۇقارالىق اقپارات قۇرالدارىنىڭ ەلەكتروندى نۇسقالارى (گازەت, تۆ, راديو) قاتىسا المايدى.
سىيلىق مىناداي نوميناتسييالار بويىنشا تاعايىندالادى: «ٶتكٸر تٸل» — قازاق تٸلٸن جەنە ۇلتتىق قۇندىلىقتاردى ناسيحاتتاۋشى ٷزدٸك سايت, «رۋحاني ازىق» – قازاق ەدەبيەتٸ مەن مەدەنيەتٸن ناسيحاتتاۋشى ٷزدٸك سايت, «تەرەڭ ٸزدەنٸس» — قازاق ەلٸنٸڭ تاريحىن ناسيحاتتاۋشى ٷزدٸك سايت, «شىنايى ٶمٸر» – قوعامداعى ٶزەكتٸ مەسەلەلەردٸ تالقىلايتىن ٷزدٸك سايت, «سپورت تىنىسى» — سالاۋاتتى ٶمٸر سالتى مەن سپورتتى ناسيحاتتاۋشى ٷزدٸك سايت, «بٸلٸم بۇلاعى» — بٸلٸم بەرەتٸن ٷزدٸك سايت, «جاستار ەلەمٸ» — جاستار تاقىرىبىنا ارنالعان ٷزدٸك سايت, «ايماق ايناسى» - ٷزدٸك ايماقتىق سايت, «بالالارعا بازارلىق» - بالالارعا ارنالعان ٷزدٸك سايت, «ويىن- ساۋىق» - ٷزدٸك ويىن-ساۋىق سايتى.
ەربٸر نوميناتسييا بويىنشا جەڭٸمپازعا 385 مىڭ تەڭگە كٶلەمٸندە اقشالاي سىيلىق تاپسىرىلادى. بايقاۋ قورىتىندىسى وسى جىلعى قاراشا ايىنىڭ سوڭىندا شىعادى.
بايقاۋ جەڭٸمپازدارىن بەلگٸلٸ قوعام قايراتكەرلەرٸ, قالامگەر-جۋرناليستەر مەن بايقاۋ قۇرىلتايشىلارىنان جاساقتالعان قازىلار القاسى انىقتايدى.
قازىلار القاسى سايتتاردى مازمۇنى, قىزمەت باعىتى, ينتەراكتيۆتٸلٸگٸ, كٶركەمدٸك جاعى, يدەيا ەرەكشەلٸگٸ, تارتىمدىلىعى سەكٸلدٸ تالاپتار بويىنشا سارالاپ, جەڭٸمپازداردى انىقتايدى.
بايقاۋ ەرەجەسٸمەن قازاقستان رەسپۋبليكاسى تۇڭعىش پرەزيدەنتٸ – ەلباسى قورىنىڭ www.fpp.kz جەنە مەملەكەتتٸك تٸلدٸ دامىتۋ قورىنىڭ www.qazaq-found.kz سايتتارىنان تانىسۋعا بولادى.
بايقاۋعا ٶتٸنٸمدەر مەملەكەتتٸك تٸلدٸ دامىتۋ قورىنىڭ info@qazaq-found.kz ەلەكتروندى مەكەنجايىنا 2017 جىلدىڭ 11 قىركٷيەگٸنەن 11 قاراشاسىنا دەيٸن جٸبەرٸلۋٸ تيٸس.
