اقتٶبە وبلىسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا كەمەلەت جاسقا تولماعان بالاعا سەكسۋالدىق زورلىق كٶرسەتكەن سوتتالۋشى ب.ن.نۇرجانوۆقا قاتىستى سوت ٷكٸمٸ شىقتى, دەپ حابارلايدى قازاقپارات.
سوتتالۋشى ب.ن.نۇرجانوۆقا جاس بالاعا قاتىستى سەكسۋالدى سيپاتتاعى زورلىق-زومبىلىق ەرەكەتتەرٸن جاساعانى ( قر قك-نٸڭ 121-بابىنىڭ 4-بٶلٸگٸمەن ) جەنە قاماقتان قاشقانى ٷشٸن (قر قك-نٸڭ 426-بابىنىڭ 1-بٶلٸگٸمەن) ايىپ تاعىلىپ, قىلمىستىق ٸس قارالدى.
سوت وتىرىسىندا سوتتالۋشى ٶز كٸنەسٸن تولىعىمەن مويىنداپ, ٶكٸنگەنٸن ايتتى.
مەملەكەتتٸك ايىپتاۋشى سوتتان ب.ن.نۇرجانوۆقا 20 جىل 6 اي مەرزٸمگە باس بوستاندىعىنان ايىرۋ جازاسىن تاعايىنداۋدى سۇرادى.
«قىلمىستىق كودەكستٸڭ 121-بابى 4-بٶلٸگٸ بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ٶمٸر بويىنا ايىرا وتىرىپ, 20 جىل مەرزٸمگە باس بوستاندىعىنان ايىرۋ تٷرٸندەگٸ جازانى كٶزدەيدٸ. قىلمىستىق كودەكستٸڭ 426-بابى 1-بٶلٸگٸ ٷش جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازانى كٶزدەيدٸ. جازانى تاعايىنداۋ كەزٸندە سوت ب.ن.نۇرجانوۆتىڭ بۇرىن اۋىر جەنە اسا اۋىر قىلمىستار جاساعانى ٷشٸن سوتتالعانىن جەنە كەمەلەت جاسقا تولماعان بالاعا قاتىستى جاسالعان قىلمىستىڭ قوعامدىق قاۋٸپتٸلٸگٸن ەسكەردٸ. سوت ب.ن.نۇرجانوۆتى كٸنەلٸ دەپ تانىپ, ونى 22 جىلعا باس بوستاندىعىنان ايىردى», - دەپ حابارلادى وبلىستىق سوتتىڭ باسپاسٶز قىزمەتٸ.
سوت ٷكٸمٸ زاڭدى كٷشٸنە ەنگەن جوق.
