قىزىلوردا وبلىسىنىڭ ەكٸمٸ قىرىمبەك كٶشەرباەۆ وبلىس ورتالىعىنا قاراستى اقسۋات اۋىلدىق وكرۋگٸنٸڭ تۇرعىنى جەميلە سەدۋوۆاعا جاڭا پەتەردٸڭ كٸلتٸن تابىس ەتتٸ, دەپ حابارلايدى Baq.kz اگەنتتٸگٸ.
بٷگٸن «اقمەشٸت-سىردارييا» مەشٸتٸنٸڭ اۋلاسىندا دەستٷرلٸ تٷردە ٶتەتٸن «جٷرەك جىلۋى» قايىرىمدىلىق شاراسى ۇيىمداستىرىلدى. اكتسييا بارىسىندا تۇرمىسى تٶمەن 1600-دەن اسا وتباسىعا ازىق-تٷلٸك ٷلەستٸرٸلدٸ.
وسى جيىندا 9 قاڭتار كٷنٸ اقسۋات اۋىلدىق وكرۋگٸنە قاراستى ناۋرىز ساياجايىنداعى ٷيدە كٶمٸرقىشقىل گازىنا ۋلانىپ, قازا تاپقان 3 بالانىڭ اناسى جەميلە سەدۋوۆاعا دا باسپانانىڭ كٸلتٸ تابىستالدى.
«جابىرقاعاننىڭ جانىنان تابىلۋ, شاراسىزعا كٶمەك قولىن سوزۋ, قايىرىمدىلىق جاساۋ – حالقىمىزدىڭ قانىنا بٸتكەن اسىل قاسيەتتەردٸڭ بٸرٸ. ٶزدەرٸڭٸز بٸلەسٸزدەر, وسىدان بٸرەر اي بۇرىن, ٷش بٸردەي بٷلدٸرشٸنٸمٸزدەن قاپييادا كٶز جازىپ قالدىق. بۇل قايعىلى جاعداي تەك بٸر وتباسىنىڭ عانا ەمەس, تۇتاس ەلدٸڭ قابىرعاسىن قايىستىرىپ, ەڭسەمٸزدٸ تٷسٸردٸ. بٸراق, اللانىڭ ٸسٸنە امال بار ما?! حالقىمىزدا "قايعىنى بٶلٸسسەڭ ازايادى..." دەگەن سٶز بار. ولاي بولسا, سول ٷش بٷلدٸرشٸنٸمٸزدٸڭ اناسى جەميلە سەدۋوۆا قارىنداسىمىزعا سىردارييا ٶزەنٸنٸڭ سول جاعالاۋىنداعى جاڭا قالادان 2 بٶلمەلٸ پەتەردٸڭ كٸلتٸن تابىستاعالى وتىرمىز», – دەدٸ ايماق باسشىسى.
سونىمەن قاتار, از قامتىلعان 1600-دەن اسا وتباسىعا ازىق-تٷلٸك بەرٸلدٸ. ازىق-تٷلٸك ولاردىڭ ٷيلەرٸنە ارنايى كٶلٸكپەن جەتكٸزٸلەدٸ. وعان كەسٸپكەرلەر مەن قوعام بەلسەندٸلەرٸ دەمەۋشٸلٸك جاسادى. اكتسييا كەزٸندە «اقمەشٸت-سىردارييا» مەشٸتٸ اۋلاسىنا قايىرىمدىلىق جەشٸگٸ قويىلدى. ساۋاپتى ٸسكە ٷلەس قوسقىسى كەلگەندەر قارجىلارىن جەشٸككە سالىپ جاتتى.
بۇدان بٶلەك, اپاتتى ٷيلەر مەن جاتاقحانالاردا تۇراتىن وتباسىلار «وردا» باعدارلاماسى اياسىندا جاڭا پەتەرگە يە بولدى.
ايتا كەتەيٸك, ەكٸ جىل بۇرىن وبلىستا «وردا» تۇرعىن ٷي قۇرىلىسىنا باعىتتالعان جول كارتاسى ەزٸرلەنگەن ەدٸ. باعدارلاما اياسىندا 19 جىلعا دەيٸنگٸ 35 مىڭنان 43 مىڭ تەڭگەگە دەيٸن تٶلەممەن, 20% الدىن الا تٶلەمسٸز 500 مىڭ كەپٸلدٸك جارناسى ارقىلى پەتەر الۋعا بولادى.
سونداي-اق, 13 اقپاندا ٶتكەن قىزىلوردا وبلىسى ەكٸمٸنٸڭ ەسەپتٸك كەزدەسۋٸندە قىرىمبەك كٶشەرباەۆ ەلەۋمەتتٸك از قامتىلعان وتباسىلاردى باسپانامەن قامتۋعا بايلانىستى ارنايى ٶڭٸرلٸك باعدارلاما ەزٸرلەۋدٸ تاپسىرعان بولاتىن.
