سۋرەت: اشىق دەرەككٶز
«جاسىل دامۋ» اق باسقارما تٶراعاسىنىڭ ورىنباسارى شىناسىل ەرنازار ۋتيليزاتسييالىق الىمعا قارسى پەتيتسييا بويىنشا قوعامدىق تىڭداۋدا ۋتيل الىمنان تٷسكەن قاراجات قايدا جۇمسالىپ جاتقانىن ايتتى, دەپ حابارلايدى "ۇلت اقپارات" Ozgeris.info باسىلىمىنا سٸلتەمە جاساپ.
سپيكەردٸڭ سٶزٸنشە, 2022-2023 جىلدارى جەڭٸلدەتٸلگەن اۆتونەسيەلەۋ, اۋىل شارۋاشىلىعى تەحنيكاسىنىڭ ليزينگٸن قارجىلاندىرۋعا 180 ميلليارد تەڭگە بٶلٸندٸ.
"قوقىس ٶڭدەۋ جەنە سۇرىپتاۋ زاۋىتتارىن سالۋعا, ورمان مەكەمەلەرٸ ٷشٸن ارنايى تەحنيكا ساتىپ الۋعا قوسىمشا 200 ميلليارد تەڭگە بٶلۋ جوسپارلانىپ وتىر. سونداي-اق قوسىمشا 90 ميلليارد تەڭگەنٸ كٶزدەيتٸن تٷزەتۋلەر ەنگٸزٸلەدٸ. بۇل قارجى سۋ رەسۋرستارى مينيسترلٸگٸنٸڭ, ورمان مەكەمەلەرٸنٸڭ جەنە اۆتوبۋس ساتىپ الۋدىڭ قاجەتتٸلٸكتەرٸنە باعىتتالادى. «ٶنەركەسٸپتٸ دامىتۋ قورى» اق ارقىلى قايتارىمدى نەگٸزدە بٶلٸنۋٸ جوسپارلانىپ وتىرعان 470 ميلليارد تەڭگەگە توقتالساق, ونىڭ 185 ميلليارد تەڭگەسٸ زاۋىتتارعا جۇمسالادى. بٷكٸل قازاقستان بويىنشا جىلىنا جالپى قۋاتى 3 ميلليون توننا قالدىقتاردى سۇرىپتايتىن 21 جەلٸ, قايتا ٶڭدەۋ بويىنشا 45 زاۋىت سالىنىپ, 223 ارنايى تەحنيكا ساتىپ الىنادى", — دەدٸ «جاسىل دامۋ» اق باسقارما تٶراعاسىنىڭ ورىنباسارى.
شىناسىل ەرنازار «جاسىل دامۋ» باعدارلاماسى بويىنشا قارجى بٶلٸنٸپ, 13 347 وتباسى جەڭٸلدەتٸلگەن اۆتونەسيەلەۋ ارقىلى جاڭا كٶلٸك ساتىپ العانىن ايتتى.
"بيىل سۋ تاسقىنىنا بايلانىستى تٶتەنشە جاعدايلار مينيسترلٸگٸ مەن سۋ رەسۋرستارى جەنە يرريگاتسييا مينيسترلٸگٸن قاجەتتٸ تەحنيكامەن جاراقتاندىرۋ ٷشٸن ٶنەركەسٸپتٸ دامىتۋ قورى ارقىلى قوسىمشا 50 ميلليارد تەڭگە بٶلۋ جوسپارلانعان. اۆتوبۋستارعا كەلسەك, اۆتوبۋستاردىڭ جەڭٸلدەتٸلگەن ليزينگٸنە 45 ميلليارد تەڭگە بٶلۋ جوسپارلانىپ وتىر, وعان 1100-گە جۋىق جاڭا اۆتوبۋس ساتىپ الىنادى. وسىعان دەيٸن بٶلٸنگەن قاراجاتقا جىلىنا ٷش ميلليوننان استام جولاۋشىعا قىزمەت كٶرسەتەتٸن 349 جاڭا اۆتوبۋس ساتىپ الىندى", — دەدٸ ول.
بۇدان باسقا ٶرت سٶندٸرۋشٸلەر ورمان ٶرتتەرٸن سٶندٸرۋدٸڭ جەدەلدٸگٸن قامتاماسىز ەتۋ ٷشٸن جاڭا ماشينالار الادى, بۇل ماقساتقا 40 ملرد تەڭگە بٶلۋ جوسپارلانعان.
