فوتو: baigenews.kz
ەۋروپالىق وداقتىڭ سانكتسييالار جٶنٸندەگٸ ارنايى ٶكٸلٸ دەۆيد و'سالليۆان قازاقستاننىڭ رەسەي-ۋكراينا جاعدايىنا بايلانىستى جاناما سانكتسيياعا ٸلٸگۋ ىقتيمالدىعى تۋرالى پٸكٸر بٸلدٸردٸ, دەپ حابارلايدى قازاقپارات.
«بٸز ٷشٸنشٸ ەلدەرگە سانكتسييا سالمايمىز. شەتٸن جاعدايلاردا بەلگٸلٸ بٸر كومپانييالارعا ولاردىڭ سانكتسييانى اينالىپ ٶتۋگە كٶمەكتەسكەنٸ دەلەلدەنسە, سانكتسييا سالۋىمىز مٷمكٸن. قازٸرگٸ تاڭدا قولىمىزدا جەتكٸلٸكتٸ ەگەي-تەگجەيلٸ مەلٸمەت جوق. ونداي اقپارات بولعاندا قانداي دا بٸر كومپانييا سانكتسييانى اينالىپ ٶتۋگە شىنىمەن دە كٶمەكتەسٸپ جٷر مە, سونى انىقتاي الار ەدٸك. قازٸر بٸز قولىمىزدا بار ماتەريالداردىڭ بەرٸن تەكسەرٸپ جاتىرمىز. قازٸرگٸ ەڭ نەگٸزگٸ ماقساتىمىز – ناقتى, سەنٸمدٸ اقپارات الۋ. بۇل باعىتتا قازاقستان بيلٸگٸمەن بٸرگە جۇمىس ٸستەپ جاتىرمىز», - دەدٸ ول ەۋروپالىق وداقتىڭ استاناداعى ٶكٸلدٸگٸنٸڭ كەڭسەسٸندە ٶتكەن باسپاسٶز كونفەرەنتسيياسىندا.
سونداي-اق, ول قازٸرگٸ گەوساياسي جاعدايداعى ەر ەلدٸڭ ەرەكەتٸ ەرتەڭگٸ رەپۋتاتسيياسىن انىقتايتىنىن ايتتى.
«ەۋروپا ەلدەرٸنە قوسىلماعان, بٸراق G-7 ەلدەرٸمەن ەرٸپتەستٸكتٸ جالعاستىرعىسى كەلەتٸن ەلدەرگە كەلسەك, بۇل – رەپۋتاتسييا مەسەلەسٸ. ەگەر قانداي دا بٸر ەلدٸڭ سانكتسييالاردى اينالىپ ٶتۋگە تۇعىر بولىپ وتىرعانى دەلەلدەنسە, بۇل ٶزگە كومپانييالار ٷشٸن سالقىن قاتىناس ەسەرٸن تۋىنداتۋى مٷمكٸن. كومپانييالار مۇنداي ەلدٸڭ كومپانييالارىمەن ٸستەس بولۋعا اسا قۇلىقتى بولمايدى. ٶيتكەنٸ, ٶزدەرٸ سانكتسيياعا تٷسٸپ قالۋى مٷمكٸن جەنە ول تۋرالى جاقسى بٸلەدٸ», - دەدٸ ارنايى ٶكٸل.
