ٷش جىلدىڭ ٸشٸندە مەكتەپ كٸتاپحانالارىنىڭ ماتەريالدىق-تەحنيكالىق بازاسى جاڭارتىلادى. بۇل تۋرالى قر بعم «وقۋلىق» رەسپۋبليكالىق عىلىمي-پراكتيكالىق ورتالىعىنىڭ ديرەكتورى عاني بەيسەنباەۆ مەلٸم ەتتٸ, دەپ حابارلايدى "ۇلت اقپارات".
«جول كارتاسىنىڭ نەگٸزٸندەگٸ نەتيجەلەر 2021-2025 وقۋ جىلدارىنا ارنالىپ وتىر. بەس جىلدىڭ ٸشٸندە مەكتەپ كٸتاپحانالارى تٷگەلدەي كٶركەم ەدەبيەتتەرمەن قامتىلماق. ەكٸنشٸدەن, مەكتەپ كٸتاپحاناشىلارىنىڭ ەلەۋەتٸن كٶتەرۋ مەسەلەسٸ قولعا الىنىپ, 2025 جىلعا قاراي تيٸستٸ نەتيجە بولادى. ٶيتكەنٸ ولاردىڭ بٸلٸكتٸلٸگٸن كٶتەرۋمەن قاتار, جوعارى وقۋ ورىندارىندا پەداگوگ-كٸتاپحاناشى دەگەن ماماندىقتى ەنگٸزگەن كەزدە, 2025 جىلى تٷلەكتەردٸڭ پەداگوگ-كٸتاپحاناشى ماماندىعىن يەلەنٸپ كەلەتٸندٸگٸ جوسپارلانعان», - دەدٸ عاني بەيسەنباەۆ بٸلٸم مينيسترلٸگٸنٸڭ اپپارات جينالىسىندا.
ونىڭ ايتۋىنشا, ٷش جىلدىڭ ٸشٸندە مەكتەپ كٸتاپحانالارىنىڭ ماتەريالدىق-تەحنيكالىق بازاسىن كٶتەرۋ اياقتالادى دەپ جوسپارلانعان. بٷكٸل زاڭنامالىق اكتٸلەر ەكٸ جىل ٸشٸندە جاڭارتىلىپ, ٶزگەرٸستەر ەنگٸزٸلەدٸ.
