فوتو: egemen.kz
مەملەكەت باسشىسىنىڭ تاپسىرماسىنا سەيكەس, 2019 جىلدان بەرٸ 1 ميلليوننان استام وقۋشىعا ارنالعان 1200 مەكتەپ سالىندى. تەك 2023–2024 جىلدارى 510 مىڭ ورىنعا ارنالعان 422 جاڭا مەكتەپ اشىلدى, دەپ حابارلايدى Ult.kz.
وسى شارالاردىڭ نەتيجەسٸندە ەلٸمٸزدەگٸ ٷش اۋىسىمدى مەكتەپتەردٸڭ سانى 4 ەسە, اپاتتى مەكتەپتەردٸڭ سانى 2 ەسە ازايدى, ال وقۋشى ورىندارىنىڭ تاپشىلىعى 4 ەسە قىسقاردى.
مەملەكەت زاماناۋي جەنە قولايلى بٸلٸم بەرۋ ورتاسىن قۇرۋ بويىنشا جٷيەلٸ جۇمىستى جالعاستىرۋدا. جاڭا وقۋ جىلىنىڭ قارساڭىندا ٶڭٸرلەردە 115 مىڭ وقۋشىعا ارنالعان تاعى 83 جاڭا مەكتەپ اشىلدى, ونىڭ 57-سٸ "كەلەشەك مەكتەپتەرٸ" ۇلتتىق جوباسى اياسىندا سالىنعان. جاڭا مەكتەپتەردٸڭ پايدالانۋعا بەرٸلۋٸ شىمكەنت, الماتى قالالارىندا, اقمولا, قاراعاندى جەنە قىزىلوردا وبلىستارىندا ٷش اۋىسىمدى وقىتۋ مەسەلەسٸن تولىعىمەن جويۋعا مٷمكٸندٸك بەردٸ.
قازٸرگٸ ۋاقىتتا ەلٸمٸزدە 3000 مەكتەپ بٸر اۋىسىمدا, 5000-نان استام مەكتەپ ەكٸ اۋىسىمدا جۇمىس ٸستەيدٸ. جىل سوڭىنا دەيٸن 140 مىڭ ورىنعا ارنالعان تاعى 111 مەكتەپتٸڭ قۇرىلىسى اياقتالادى.
جوعارىدا اتالعان جوبالاردىڭ جٷزەگە اسىرىلۋى ەلٸمٸزدٸڭ كٶپتەگەن ٶڭٸرلەرٸندە ٷش اۋىسىمدى وقىتۋدى جويۋعا جەنە قوسىمشا 150 مىڭ ورىن تاپشىلىعىن قىسقارتۋعا مٷمكٸندٸك بەرەدٸ.
2025–2026 وقۋ جىلىندا ەلٸمٸزدە جالپى سىيىمدىلىعى 267 مىڭ وقۋشىعا ارنالعان 232 جاڭا مەكتەپ سالىنادى. سونىمەن قاتار 245 مەكتەپ جاڭعىرتۋدان ٶتەدٸ, تاعى 1000 اۋىل مەكتەبٸ مودەرنيزاتسييالانادى, ال 680 مەكتەپكە 1100 زاماناۋي پەندٸك كابينەت ورناتىلادى.
رەسپۋبليكالىق بٸلٸم بەرۋ ۇيىمدارىنىڭ ينفراقۇرىلىمى دا جاڭارتىلۋدا. تٷركٸستانداعى "بٸلٸم-يننوۆاتسييا" ليتسەيٸندە جەنە الماتىداعى رەسپۋبليكالىق فيزيكا-ماتەماتيكا مەكتەبٸندە جٶندەۋ جۇمىستارى اياقتالدى, الماتىدا "اباي ۇلتتىق مەكتەبٸ" جاڭا عيماراتى قۇرىلىسىنىڭ اياقتالۋى جوسپارلانۋدا.
