№1 پاۆلودار قالالىق اۋرۋحاناسىنىڭ باس دەرٸگەرٸ نۇرلان جۇماجانوۆ جالپى قۇنى 78 ميلليون تەڭگەگە ٷش جاساندى تىنىس الدىرۋ اپپاراتىن ساتىپ الۋ سەبەبٸن تٷسٸندٸردٸ.
بۇعان دەيٸن اتالعان اۋرۋحانا ەربٸرٸنٸڭ باعاسى 26 ميلليون تەڭگەگە باعالانعان جاساندى تىنىس الدىرۋ اپپاراتتارىن ساتىپ الۋدى جوسپارلاپ وتىرعانى تۋرالى اقپارات باق-تا جارييالانعان بولاتىن.
سونىمەن قاتار, جاقىندا عانا سەمەيدەگٸ مەديتسينالىق جەدەل جەردەم ستانتسيياسى 15,5 ميلليون تەڭگەگە 25 جاساندى تىنىس الدىرۋ اپپاراتىن ساتىپ الۋعا تەندەر ٶتكٸزگەن. ال قوستاناي وبلىستىق دەنساۋلىق ساقتاۋ باسقارماسى وسىنداي 60 مەديتسينالىق قۇرىلعى الۋ ٷشٸن 37,2 ميلليون تەڭگە بٶلسە, اتىراۋ وبلىسى 15 قوندىرعىعا 9,3 ميلليون تەڭگە قاراستىرعان.
سالىستىرمالى تٷردە وسىنداي دەرەكتەر جارييا بولعاننان كەيٸن پاۆلودارلىق سىبايلاس جەمقورلىققا قارسى ٸس-قيمىل اگەنتتٸگٸنٸڭ ماماندارى قالالىق اۋرۋحانادا ارنايى تەكسەرۋ جٷرگٸزدٸ.
اۋرۋحانانىڭ باس دەرٸگەرٸ نۇرلان جۇماجانوۆ سىبايلاس جەمقورلىققا قارسى ٸس-قيمىل اگەنتتٸگٸنٸڭ Facebook پاراقشاسىنداعى ەفيرٸندە مەسەلەنٸڭ مەن-جايىن تٷسٸندٸردٸ. ونىڭ ايتۋىنشا, جاساندى تىنىس الدىرۋ قۇرىلعىلارى ەرتٷرلٸ بولىپ كەلەدٸ: ناۋقاستاردى جەدەل جەردەم كٶلٸگٸمەن تاسىمالداۋدا قولدانىلاتىنى – پورتاتيۆتٸ جەنە اۋرۋحانالاردا ورناتۋ ارنالعان ستاتسيونارلىق قوندىرعىلار – ستاتسيونارلى.
"بٸز ەلەمدەگٸ جەتەكشٸ ٶندٸرۋشٸلەردٸڭ بٸرٸ بولىپ تابىلاتىن ەيگٸلٸ نەمٸس كومپانيياسىنان انەستەزيولوگييالىق جەنە رەانيماتسييالىق ٷش ستاتسيونارلىق قۇرىلعىنى العىمىز كەلەدٸ", – دەدٸ نۇرلان جۇماجانوۆ.
باس دەرٸگەردٸڭ ايتۋى بويىنشا پورتاتيۆتٸ تىنىس الدىرۋ اپپاراتى شامامەن 500 مىڭ تەڭگە تۇرسا, ستاتسيونارلىق قوندىرعى – 20 مەن 40 ميلليون تەڭگە ارالىعىن قۇرايدى.
ايتا كەتەيٸك, قازٸرگٸ كەزدە №1 پاۆلودار قالالىق اۋرۋحاناسىندا ون ستاتسيونارلىق تىنىس الدىرۋ قۇرىلعىسى بار, ولاردىڭ بارلىعى دا جۇمىس ٸستەپ تۇر.
