قازاقستاندىق, ەلەمنٸڭ 129-راكەتكاسى ميحايل كۋكۋشكين US Open تۋرنيرٸ ٸرٸكتەۋ سايىسىنىڭ فينالىنا شىقتى, دەپ حابارلايدى قازاقپارات.
ٸرٸكتەۋ سايىستارىنىڭ 13-راكەتكاسى بولىپ تٸركەلگەن م.كۋكۋشكين جارتىلاي فينالدا دٷنيەجٷزٸلٸك رەيتينگتە 168-ساتىدا تۇرعان, تايبەيلٸك دجەيسون دجانگپەن شەبەرلٸك بايقاستى.
قازاقستاندىق تەننيسشٸ قارسىلاسىن 6:4, 6:3 ەسەبٸمەن ەكٸ سەتتە ۇتتى.
1 ساعات 26 مينۋتقا سوزىلعان ماتچ بارىسىندا م.كۋكۋشكين 2 ەيس جاساپ, 5 برەيك-پوينتتىڭ ٷشەۋٸن پايدالاندى. تايبەيلٸك سپورتشى 1 ەيسپەن عانا شەكتەلدٸ.
م.كۋكۋشكين ٸرٸكتەۋ سايىستارىنىڭ فينالىندا ەلەمنٸڭ 150-راكەتكاسى, فرانتسييالىق انتۋان وانمەن كٷش سىناسادى. ونى جەڭسە, نەگٸزگٸ تۋرنيرگە جولداما الادى.
قازاقستاننىڭ بٸرٸنشٸ, ەلەمنٸڭ 37-راكەتكاسى الەكساندر بۋبليك 30 تامىزدا باستالاتىن نەگٸزگٸ جارىستا ٶنەر كٶرسەتەدٸ. ونىڭ قارسىلاسى – رەيتينگتە 134-ساتىداعى گەرمانييالىق ياننيك حانفمانن.
