سەۋٸر ايىنان بەرٸ حابار-وشارسىز كەتكەن پاۆلودار تۇرعىنى ٷش ايدان كەيٸن قاراعاندى وبلىسىنان امان-ەسەن تابىلدى, دەپ حابارلايدى ult.kz.
Polisia.kz جازۋىنشا, پاۆلودار وبلىسى پوليتسييا دەپارتامەنتٸنٸڭ مەلٸمەتٸنشە, شٸلدە ايىندا پوليتسيياعا ەر ادامنىڭ اناسى جٷگٸنٸپ, ۇلىنىڭ سەۋٸردە ٷيدەن شىعىپ كەتكەنٸن, سودان بەرٸ ورالماي, بايلانىسقا شىقپاعانىن حابارلاعان.
جەدەل-ٸزدەستٸرۋ شارالارى بارىسىندا پوليتسەيلەر جوعالعان ازاماتتىڭ قاراعاندى وبلىسىنىڭ ساران قالاسى ماڭىنداعى دالا اۋماعىندا جٷرگەنٸن انىقتادى.
بەلگٸلٸ بولعانداي, ەر ادام تابىس تابۋ ماقساتىندا جۇمىسقا كەتكەن. الايدا جولدا ۇيالى تەلەفونىن جوعالتىپ الىپ, جاقىندارىمەن بايلانىسا الماعان. جاڭا تەلەفون ساتىپ الۋعا مٷمكٸندٸگٸ بولماعاندىقتان, ونىڭ قايدا جٷرگەنٸنەن تۋىستارى بەيحابار قالعان.
پوليتسييانىڭ مەلٸمەتٸنشە, ازاماتقا قاتىستى ەشقانداي قىلمىس نەمەسە قۇقىق بۇزۋشىلىق جاسالماعان.
وسىعان بايلانىستى تەرتٸپ ساقشىلارى تۇرعىندارعا تۇرعىلىقتى نەمەسە ۋاقىتشا مەكەنجايىنان ۇزاق ۋاقىتقا كەتەتٸن جاعدايدا بۇل تۋرالى مٸندەتتٸ تٷردە تۋىستارى مەن جاقىندارىنا الدىن الا حابارلاۋدى ەسكەرتتٸ.
