Sáýir aiynan beri habar-osharsyz ketken Pavlodar turǵyny úsh aidan keiin Qaraǵandy oblysynan aman-esen tabyldy, dep habarlaidy ult.kz.
Polisia.kz jazýynsha, Pavlodar oblysy politsiia departamentiniń málimetinshe, shilde aiynda politsiiaǵa er adamnyń anasy júginip, ulynyń sáýirde úiden shyǵyp ketkenin, sodan beri oralmai, bailanysqa shyqpaǵanyn habarlaǵan.
Jedel-izdestirý sharalary barysynda politseiler joǵalǵan azamattyń Qaraǵandy oblysynyń Saran qalasy mańyndaǵy dala aýmaǵynda júrgenin anyqtady.
Belgili bolǵandai, er adam tabys tabý maqsatynda jumysqa ketken. Alaida jolda uialy telefonyn joǵaltyp alyp, jaqyndarymen bailanysa almaǵan. Jańa telefon satyp alýǵa múmkindigi bolmaǵandyqtan, onyń qaida júrgeninen týystary beihabar qalǵan.
Politsiianyń málimetinshe, azamatqa qatysty eshqandai qylmys nemese quqyq buzýshylyq jasalmaǵan.
Osyǵan bailanysty tártip saqshylary turǵyndarǵa turǵylyqty nemese ýaqytsha mekenjaiynan uzaq ýaqytqa ketetin jaǵdaida bul týraly mindetti túrde týystary men jaqyndaryna aldyn ala habarlaýdy eskertti.
