الماتىدا اۆتوبۋستاردىڭ سوقتىعىسۋىنان قازا تاپقان مۇحيت يساحانوۆتى تۋىستارى بٷگٸن جەر قوينىنا تاپسىردى. مارقۇمنىڭ جاقىندارى 37 جاستاعى جٸگٸت اپات بولعان سەتتە 98-شٸ باعىتتاعى اۆتوبۋستىڭ ٸشٸندە بولعانىن ايتادى, - دەپ حابارلايدى Massaget.kz پورتالى كتك تەلەارناسىنا سٸلتەمە جاساپ.
تۋىستارىنىڭ ايتۋىنشا, City bus تاسىمالداۋشى كومپانيياسىندا تاعىلىمدامادان ٶتٸپ جٷرگەن مۇحيت قوعامدىق كٶلٸكتٸڭ باعىتىمەن تانىسۋ ماقساتىندا جٷرگٸزۋشٸنٸڭ جانىندا تۇرعان. قوس اۆتوبۋس سوقتىعىسقاندا مارقۇم اۆتوبۋستىڭ سالونىنان سىرتقا قاراي قۇلاپ, ونى قوعامدىق كٶلٸك جانشىپ ٶتكەن.
"بالامنىڭ ٶلگەنٸنە سەنگەن جوقپىن. تەرگەۋشٸ حابارلاپ ايتتى. قايتا-قايتا سۇرادىم. ماماندىعى جٷرگٸزۋشٸ عوي. ارتىندا ەكٸ بالاسى, كەلٸنٸم قالدى. وڭاي ەمەس", - دەيدٸ يساحانوۆتىڭ اناسى قارلىعاش يساحانوۆا.
مارقۇمنىڭ جاقىندارى دا مۇحيت قايعىلى وقيعا بولعان كٷنٸ 98-شٸ اۆتوبۋستىڭ باعىتىمەن تانىسۋ ماقساتىندا "جٷرگٸزۋشٸنٸڭ جانىندا تۇرعان" دەيدٸ. قوس قوعامدىق كٶلٸك سوقتىعىسقان سەتتە 98-شٸ اۆتوبۋستىڭ ەسٸك-تەرەزەسٸنەن ٷش ادامنىڭ سىرتقا قاراي بٸرنەشە مەترگە ۇشىپ تٷسكەنٸن بەينەباقىلاۋ كامەراسىنان بايقاۋعا بولادى. سول كەزدە جەرگە وڭباي قۇلاعان مۇحيتتى سالماعى ونداعان توننا 201-شٸ اۆتوبۋس باسىپ ٶتكەن.
"ابىلايحان كٶشەسٸمەن كٶتەرٸلگەن 98-شٸ اۆتوبۋستىڭ ٸشٸندە بولدى. الدىڭعى جاعىندا جٷرگٸزۋشٸنٸڭ قاسىندا تۇرعان. اۆتوبۋستار سوعىلعاندا ەسٸكتەن ۇشىپ كەتكەن. نەسيە تٶلەيمٸن, تٸرشٸلٸك جاسايمىن دەپ باردى عوي", - دەيدٸ يساحانوۆتىڭ اپاسى مٶلدٸر يساحانوۆا.
ال تاسىمالداۋشى كومپانييا مۇحيتتىڭ ٶندٸرٸستٸك تەجٸريبەدەن ٶتكەنٸن راستادى. الايدا اپات بولعان كٷنٸ ول اۆتوبۋس پاركٸنە كەلمەگەن.
"سول كٷنٸ تاعىلىمدامادان ٶتۋشٸ رەتٸندە تٸركەلگەن مۇحيت اۆتوبۋس پاركٸنە كەلمەدٸ. 8 قاراشادا ول № 98 اۆتوبۋس باعىتى بويىنشا جولداما قۇجاتتارىن الۋ ٷشٸن الماتى ONAY كٶلٸك حولدينگٸنە كەتكەن", - دەيدٸ "City Bus" جشس.
جول اپاتىن جان جاقتى زەرتتەپ جاتقان پوليتسييا ناقتى كٸمنٸڭ كٷدٸككە ٸلٸنگەنٸن ەلٸ ايتقان جوق. تەرگەۋ ەلٸ جالعاسىپ جاتىر.
ەسكە سالايىق, الماتىدا ەكٸ جولاۋشىلار اۆتوبۋسى سوقتىعىسىپ, بٸر ادام قازا بولىپ, 15 ادام جاراقات العان بولاتىن.
