قازاقستاننىڭ سىرتقى ٸستەر مينيسترٸ مۇحتار تٸلەۋبەردٸ ۋرۋگۆايدىڭ سىرتقى ٸستەر مينيسترٸ رودولفو نين نوۆوامەن كەزدەستٸ, دەپ حابارلايدى "ۇلت اقپارات".
قر سٸم باسپاسٶز قىزمەتٸنٸڭ مەلٸمەتٸنشە, لاتىنامەريكالىق ەلدٸڭ سىرتقى ساياسي ۆەدومستۆوسى باسشىسىنىڭ قازاقستانعا العاش رەت ساپارمەن كەلٸپ وتىر.
17 قازاندا ٶتكەن كەلٸسسٶزدەر اياسىندا مينيسترلەر قازاقستان مەن ۋرۋگۆاي اراسىنداعى قارىم-قاتىناستاردىڭ دامۋىنداعى وڭ سەرپٸندٸ اتاپ ٶتٸپ, ەكٸجاقتى كٷن تەرتٸپتٸڭ ٶزەكتٸ مەسەلەلەرٸن تالقىلادى, ساياسي ديالوگتى نىعايتۋدىڭ قاجەتتٸلٸگٸن راستادى, سونداي-اق حالىقارالىق جەنە ٶڭٸرلٸك مەسەلەلەر بويىنشا پٸكٸر الماستى.
تاراپتار ەۋرازييالىق ەكونوميكالىق وداق پەن مەركوسۋر اراسىندا, سونداي-اق «بٸر بەلدەۋ – بٸر جول» باستاماسى شەڭبەرٸندە ىنتىماقتاستىقتى نىعايتۋ پەرسپەكتيۆالارىن باسا ايتىپ, ساۋدا-ەكونوميكالىق جەنە ينۆەستيتسييالىق باعىتتاردا ىقپالداستىقتى دامىتۋ ماڭىزدىلىعىنا نازار اۋداردى.
مينيستر مۇحتار تٸلەۋبەردٸ شەتەل بيزنەس ٶكٸلدەرٸنە جاسالىپ جاتقان قولايلى جاعدايلارعا نازار اۋدارىپ, ۋرۋگۆايلىق تاراپتى اۋىل شارۋاشىلىعى سالاسىندا بٸرلەسكەن جوبالاردى ٸسكە اسىرۋعا جەنە دەنساۋلىق ساقتاۋ مەن تۋريزم سالالارىندا تەجٸريبە الماسۋعا شاقىردى. ەلدەر اراسىنداعى بايلانىستاردى كٷشەيتٸپ, مەدەنيەتتەرٸمٸزدٸ جاقىنداتۋ ماقساتىندا تاراپتار ۆيزالىق رەجٸمدٸ ىرىقتاندىرۋ بويىنشا تيٸستٸ كەلٸسٸمدەردٸ جاساسۋعا قولعابىس كٶرسەتۋگە ۋاعدالاستى.
سونىمەن قاتار, مينيسترلەر كٶپجاقتى فورماتتا دا ديالوگتى نىعايتۋعا مٷددەلٸ ەكەندٸكتەرٸن جەتكٸزدٸ. يادرولىق قارۋدى تاراتپاۋ جەنە حالىقارالىق تەرروريزمگە قارسى كٷرەسكە ەرەكشە نازار اۋدارا وتىرىپ, تاراپتار بۇۇ شەڭبەرٸندە جاھاندىق قاۋٸپسٸزدٸكتٸڭ ٶزەكتٸ مەسەلەلەرٸ بويىنشا سىندارلى ٶزارا ىقپالداستىقتى جالعاستىرۋدىڭ ماڭىزدىلىعىن اتاپ ٶتتٸ.
ٶز كەزەگٸندە, ر. نين نوۆوا مونتوۆيدەونىڭ نۇر-سۇلتانمەن سىندارلى جەنە ٶزارا تيٸمدٸ قارىم-قاتىناستى ودان ەرٸ نىعايتۋعا نيەتتٸ ەكەندٸگٸن راستاپ, قازاقستاننىڭ سٸم باسشىسىن ۋرۋگۆايعا ساپار جاساۋعا شاقىردى.
