ۇرلانعان كٶلٸكتٸڭ سوڭىنان قۋعان اقتاۋلىق پوليتسەيلەر ۆيدەوعا تٷسٸپ قالدى, دەپ حابارلايدى "ۇلت اقپارات" ماڭعىستاۋ وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
دەپارتامەنتتٸڭ حابارلاۋىنشا, 19 قاراشا كٷنٸ ساعات 12:07-دە بەينەۋ اۋداندىق پوليتسييا بٶلٸمٸنٸڭ 102 كەزەكشٸ پۋلتٸنە اۆتوجانارماي قۇيۋ ستانتسيياسىنان «Lexus» ماركالى اۆتوكٶلٸك ۇرلانعانى تۋرالى قوڭىراۋ تٷسكەن.
«بەينەۋ اۋداندىق پوليتسييا بٶلٸمٸ ۇرلانعان اۆتوكٶلٸكتٸ ٸزدەۋگە جەكە قۇرامدى جۇمىلدىردى. كٷدٸكتٸ ۇستالىپ, پوليتسييا بٶلٸمٸنە جەتكٸزٸلدٸ. قازٸرگٸ ۋاقىتتا تەرگەۋ امالدارى جٷرگٸزٸلۋدە», دەلٸنگەن حابارلامادا.
