باق ٶكٸلدەرٸنە ارنالعان مەملەكەتتٸك «ٷركەر» سىيلىعىندا جاڭا نوميناتسييا پايدا بولماق. بۇل تۋرالى قر اقپارات جەنە قوعامدىق دامۋ مينيسترٸ دارحان قىدىرەلٸ مەلٸم ەتتٸ, دەپ حابارلايدى قازاقپارات.
«احمەت بايتۇرسىنۇلى جەنە باسقا دا الاش ارداقتىلارىن ۇلىقتاۋدا مەملەكەت باسشىسىنىڭ باستاماسىمەن كٶپتەگەن ٸرگەلٸ ٸستەر اتقارىلىپ جاتىر. بٷگٸن احاڭنىڭ تۋعان ٶلكەسٸ قوستانايدا ٷلكەن توي ٶتۋ كەرەك ەدٸ. تٶتەنشە جاعداي بولىپ قالدى. قوستاناي حالقىنا سابىر تٸلەيمٸز», - دەدٸ دارحان قىدىرەلٸ ەلوردادا ٶتٸپ جاتقان احمەت بايتۇرسىنۇلىنا ارنالعان حالىقارالىق كونفەرەنتسييادا.
مينيستردٸڭ ايتۋىنشا, بٷگٸندە احمەت بايتۇرسىنۇلىنىڭ مۇراسىنا ارنالعان عىلىمي تۋىندىلار جازىلىپ, دەرەكتٸ فيلم تٷسٸرٸلٸپ جاتىر.
«بيىل ٶتەتٸن «Astana Media Week» حالىقارالىق شاراسىندا احمەت بايتۇرسىنۇلىنا ارنالعان تاقىرىپ ۇيىمداستىرامىز. سول سيياقتى «ٷركەر» شىعارماشىلىق بايقاۋىنىڭ ٷلكەن بٸر اتالىمىنا احمەت بايتۇرسىنۇلى اتاۋىن بەرۋ جوسپارلانىپ وتىر», - دەيدٸ ول.
ايتا كەتەيٸك, ەلوردادا احمەت بايتۇرسىنۇلىنىڭ مول مۇراسىنا ارنالعان «احمەت بايتۇرسىنۇلىنىڭ عىلىمي مۇراسى جەنە قازاقستاننىڭ زيياتكەرلٸك ساباقتاستىعى» اتتى عىلىمي-پراكتيكالىق حالىقارالىق كونفەرەنتسييا ٶتٸپ جاتىر.
سونداي-اق, اتالعان شارا بارىسىندا احمەت بايتۇرسىنۇلى اتىنداعى مەملەكەتتٸك سىيلىقتىڭ تاعايىندالاتىنى بەلگٸلٸ بولدى.
