الماتى قالاسىنداعى 2017 جىلعى 28-شٸ دٷنيەجٷزٸلٸك قىسقى ۋنيۆەرسيادا جارىستارىنا كٶرەرمەندەر تاراپىنان جوعارى سۇرانىس تۋىنداپ وتىرعانىنا بايلانىستى, حالىقارالىق ستۋدەنتتٸك سپورت فەدەراتسيياسى (FISU) باسشىلىعى جانكٷيەرلەر پايداسى ٷشٸن ۇيىمعا سايلاپ قويىلعان كٶرەرمەن ورىندارىنىڭ كٶبٸسٸنەن باس تارتۋ تۋرالى شەشٸم قابىلدادى.
وسىعان دەيٸن حابارلانعانداي, حالىقارالىق حاتتاماعا سەيكەس تريبۋنالارداعى ورىنداردىڭ بٸر بٶلٸگٸ ستۋدەنتتٸك ويىندارعا قامقورلىق ەتٸپ وتىرعان FISU ۇيىمىنىڭ ٶكٸلدەرٸ, سونداي-اق, رەسمي دەلەگاتسييا مٷشەلەرٸ, سپورتشىلار, باق ٶكٸلدەرٸ ٷشٸن ساقتاپ قويىلادى. ساتۋعا بولمايتىن بۇل كۆوتانىڭ ٷلەسٸ ەرتٷرلٸ جارىستاردا جالپى كٶرەرمەندەر ورنىنىڭ 30%-عا دەيٸنٸن قۇرايدى. قازٸرگٸ تاڭدا FISU كۆوتاسىنىڭ 90%-عا دەيٸنگٸ ٷلەسٸن ەركٸن ساتىلىمعا شىعارۋ تۋرالى ۋاعدالاستىق جاساسىلدى. جارىستارعا ارنالعان بيلەتتەر, سونىڭ ٸشٸندە, مەنەرلەپ سىرعاناۋ جەنە حوككەي سەكٸلدٸ كٶپشٸلٸك اراسىندا ٷلكەن سۇرانىسقا يە بولىپ وتىرعان سايىستارعا بيلەتتەر بٷگٸننەن باستاپ بيلەت ساتۋمەن اينالىساتىن وپەراتورلار جٷيەلەرٸنە (ونلاين جەنە وفلاين) كەزەڭ-كەزەڭٸمەن ساتىلىمعا تٷسەدٸ.
سونداي-اق, ٷلكەن سۇرانىسقا بايلانىستى «Ticket Day» جٷيەسٸ بويىنشا جارىستارعا قوسىمشا بيلەتتەردٸ ساتۋ تۋرالى شەشٸم قابىلدانىپ, قانداي دا بٸر ٸس-شارالار اياسىندا وتىرۋعا ارنالعان ورىندار سانى تولىعىمەن ساتىلىپ بولعان سوڭ, بيلەتتەر ورتالىقتاندىرىلعان ساتىلىم جٷيەسٸنە شىعارىلادى. «Ticket Day» دەگەنٸمٸز ورىنسىز ساتىلاتىن بيلەتتەر, مۇنداي بيلەتتەردٸڭ سانى سپورت نىساندارىنىڭ ەڭ كٶپ سىيىمدىلىعى مەن قاۋٸپسٸزدٸك تالاپتارىنا سەيكەس شەكتەلەتٸن بولادى.
بيلەتتەردٸ كٶپتەپ ساتىپ الىپ, ولاردى قايتا ساتۋمەن اينالىسىپ جٷرگەن كەسٸپكەرلەرمەن كٷرەسۋ ماقساتىندا ۇيىمداستىرۋشىلار بٸر ادامعا ساتىلاتىن بيلەتتەر سانىن 8 دانادان 5 داناعا دەيٸن ازايتىپ وتىر.
بٷگٸننەن باستاپ ناقتى بٸر جارىستارعا بيلەتتەردٸڭ بار-جوعى تۋرالى ەڭ سوڭعى اقپارات ناقتى ۋاقىت تەرتٸپتەمەسٸندە ۋنيۆەرسيادا سايتىنىڭ باس بەتٸندە جارييالاناتىن بولادى.
قازٸرگٸ تاڭدا ۋنيۆەرسياداعا ساتىلعان بيلەتتەردٸڭ سانى 184 مىڭدى قۇرادى (جالپى كٶلەمنٸڭ شامامەن 80%-ى). بۇل قازاقستاندا ٶتكٸزٸلگەن بٷكٸل ٸس-شارالارعا ساتىلعان بيلەتتەر اراسىنداعى رەكوردتىق كٶرسەتكٸش بولىپ وتىر. وسى تۇستا دەل جارىستار باستالار الدىندا سۇرانىس ايتارلىقتاي ٶسٸپ وتىرادى. مەسەلەن, ۋنيۆەرسيادانىڭ اشىلۋ سالتاناتىنان كەيٸن 30 مىڭعا تارتا بيلەت بٸردەن ساتىلىپ كەتكەن. سۇرانىس ەلٸ دە جوعارى دەڭگەيدە بولىپ وتىرعاندىقتان, ۇيىمداستىرۋشىلار ساتىلىمعا تٷسەتٸن قوسىمشا بيلەتتەردٸ ساتىپ الۋدى كەيٸنگە قالدىرماۋعا كەڭەس بەرەدٸ.
"ۇلت اقپارات"
