الماتىدا ٶتٸپ جاتقان 28-شٸ دٷنيەجٷزٸلٸك قىسقى ۋنيۆەرسيادا ويىندارىندا قازاقستان قۇراماسى قورجىنىنا ەكٸنشٸ التىن مەدال تٷستٸ.
قازاقستاندىق فريستايلشى جۇپ باعلان ٸڭكەربەك پەن جانبوتا الدابەرگەنوۆا كوماندالىق سىندا جەڭٸمپاز اتانىپ, التىننان القا تاقتى.
فريستايلدىڭ اكروباتيكا سىنىنان ٶتكەن كوماندالىق ارالاس ميكس سىنىندا جەرلەستەرٸمٸز 167,05 ۇپاي جيناپ, جەڭٸس تۇعىرىنان كٶرٸندٸ. ولار فينالدا قىتايلىق سپورتشىلاردى قاپى قالدىردى.
بۇل سايىستا باق سىناعان قازاقستاندىق دارحان مۇحامەدجانوۆ پەن اقمارجان قالمۇرزاەۆا جۇبى ٸرٸكتەۋ سىنىنان سٷرٸندٸ.
ايتا كەتسەك, جەرلەستەرٸمٸز جالىكوماندالىق ەسەپتە 2 التىن 2 كٷمٸس 4 قولا جٷلدەمەن ەكٸنشٸ ورىنعا كٶتەرٸلدٸ. بٷگٸن بياتلونشى الينا راكوۆا التىن مەدال جەڭٸپ العان بولاتىن.
