ٷندٸستاننىڭ دەنساۋلىق ساقتاۋ مينيسترلٸگٸنٸڭ حابارلاۋىنشا, سوڭعى تەۋلٸكتە ەلدە 401 993 جاڭا ينفەكتسييا انىقتالدى. ەلدە كوروناۆيرۋستان كٶز جۇمعاندار سانى سوڭعى 24 ساعات ٸشٸندە 3,5 مىڭعا ارتىپ, 211,8 مىڭ ادامعا جەتتٸ, دەپ حابارلايدى BBC.
ٷندٸستاندا ون كٷن قاتارىنان تەۋلٸك سايىن 300 مىڭنان استام جاعداي تٸركەلۋدە.
بٷگٸنگە دەيٸن ٷندٸستاندا تەك دەرٸگەرلەر مەن 45 جاستان اسقان ادامدار عانا كوروناۆيرۋس ۆاكتسيناسىن الىپ كەلدٸ. 1 مامىردان باستاپ ەلدە 18-45 جاس ارالىعىنداعى حالىقتى ۆاكتسينالاۋ باستالۋى كەرەك, بٸراق بٸرقاتار شتاتتار بيلٸگٸ ۆاكتسينانى جەتكٸلٸكسٸز دەپ ەسكەرتتٸ.
دەليدٸڭ باس مينيسترٸ ارۆيند كەدجريۆال ادامداردان ۆاكتسيناعا كەزەكتە تۇرماۋلارىن سۇرادى, ٶيتكەنٸ ٷندٸستان استاناسى ەلٸ قاجەتتٸ دەرٸ-دەرمەكتەردٸ العان جوق.
«الداعى بٸرنەشە كٷندە ۆاكتسينا ورتالىقتارىنا كەلمەۋلەرٸڭٸزدٸ سۇرايمىز. بٷكٸل ەلدە كٶپتەگەن ادامدار ۆاكتسيناعا جازىلدى, بٸراق بٸز ۆاكتسينا العان جوقپىز. بٸز كومپانييالارمەن ٷنەمٸ بايلانىستا بولامىز جەنە دەرٸ-دەرمەكتەردٸ بٸر-ەكٸ كٷندە الامىز دەپ ٷمٸتتەنەمٸز», - دەدٸ ول.
