بٸر اپتا بويى ٷندٸستان تەۋلٸك ٸشٸندە كوروناۆيرۋس جۇقتىرعاندار سانى بويىنشا ەلەمدٸك رەكورد ورناتۋدا, دەپ حابارلايدى BBC.
بٸرٸنشٸ تولقىندا تەۋلٸگٸنە ورتاشا العاندا 93 مىڭ تۇرعىن كوروناۆيرۋس جۇقتىرعان. 17 سەۋٸردەن باستاپ كٷندەلٸكتٸ ستاتيستيكا 200 مىڭ ادامعا دەيٸن كٶتەرٸلٸپ, سوڭعى اپتادا كٷنٸنە 350 مىڭ ادامعا جەتٸپ وتىر.
ٶلٸم سانى دا بٸرٸنشٸ تولقىنمەن سالىستىرعاندا ەكٸ ەسەگە ارتتى. سوڭعى اپتادا ٷندٸستاندا كوروناۆيرۋستان تەۋلٸگٸنە ورتاشا 2 336 ادام قايتىس بولۋدا.
ەلدەگٸ ەڭ اۋىر جاعداي دەليدە, مۇندا اۋرۋحانالاردا ٶججا ورناتىلعان ورىندار قالماعان.
باسقا ٸرٸ قالالاردا دا جاعداي وسىنداي. رەسمي ستاتيستيكا بويىنشا, پاندەمييانىڭ باسىنان بەرٸ ٷندٸستاندا 17 ملن ادام كوروناۆيرۋس جۇقتىرىپ, 192 مىڭ ادام قايتىس بولعان.
حالىق سانىنىڭ كٶپتٸگٸ جەنە ولاردىڭ ۇدايى جىلجىپ وتىرۋى Covid-19-عا تەستٸلەۋ ٶتكٸزۋگە جەنە ناقتى ٶلٸم سانى بويىنشا ەسەپ جٷرگٸزۋگە كەدەرگٸ كەلتٸرەدٸ. سول سەبەپتٸ ٷندٸستانداعى داعدارىستىڭ شىنايى ماسشتابىن باعالاۋ قيىنعا سوعىپ وتىر.
BBC تٸلشٸسٸنٸڭ ايتۋىنشا, ەلدەگٸ ماسشتابتى ۆاكتسينالاۋ باعدارلاماسى ٷلكەن قيىندىقتارعا تاپ بولۋدا. بۇل باعدارلاما 16 قاڭتار كٷنٸ باستالعان, شٸلدەگە دەيٸن 250 ملن ادامدى ۆاكتسينالاۋدى كٶزدەگەن. قازٸرگٸ كەزدە ۆاكتسينانىڭ بٸرٸنشٸ دوزاسىن 118 ملن ادام عانا العان, بۇل – حالىقتىڭ 9%-ى.
«پاندەمييا بٸزگە بارلىق ەل پروبلەمالارىنىڭ ورتاق ەكەندٸگٸن تٷسٸندٸردٸ. بٸر قىتاي قالاسىندا پايدا بولعان كوروناۆيرۋس ەندٸ بٷكٸل ەلەمدە», - دەيدٸ BBC تٸلشٸسٸ دجەيمس گاللاحەر.
جۇقتىرۋ رەكوردى ٷندٸستان شەكاراسىن اسۋى مٷمكٸن, سول سەبەپتٸ كٶپ ەلدەر بۇل ەلمەن ەۋە قاتىناسىن توقتاتتى.
بريتانييا, برازيلييا جەنە وڭتٷستٸك افريكادا پايدا بولعان كوروناۆيرۋستىڭ جاڭا تٷرٸ ٶزگە ەلدەردە ٷلكەن پروبلەمالار تۋدىردى. فيزيكا جەنە بيولوگييا پروفەسسورى, جۇقپالى اۋرۋلاردى مودەلدەۋ سالاسىنداعى ساراپشى مەنون ٷندٸستاندا ۆيرۋستىڭ جاڭا تٷرٸ پايدا بولۋى مٷمكٸن ەكەندٸگٸن ەسكەرتتٸ.
دٷنيەجٷزٸلٸك قاۋىمداستىق ٷندٸستانعا داعدارىستى جەڭۋگە كٶمەك كٶرسەتۋدە. ۇلىبريتانييا ەلگە ٶججا جەنە كويۋلانعان وتتەك قورلارىن جٸبەردٸ, اقش ٷندٸستانعا AstraZeneca ۆاكتسيناسىن كٶپ مٶلشەردە ٶندٸرۋگە مٷمكٸندٸك بەرۋ ٷشٸن باستاپقى ماتەريالدار ەكسپورتىنا تىيىمدى ۋاقىتشا الىپ تاستادى. كٶپتەگەن ەلدەر بٸلٸكتٸ قىزمەتكەرلەر مەن جەكە قاۋٸپسٸزدٸك قۇرالدارىن ۇسىنۋدا.
