ٷندٸستان وسى ەلدە جاقىندا كوروناۆيرۋستىڭ ٶرشۋٸنە قارسى تۇرۋ ٷشٸن دوستاس قازاقستان جٸبەرگەن گۋمانيتارلىق كٶمەكتٸ جوعارى باعالادى, دەپ حابارلايدى "ۇلت اقپارات" قر سىرتقى ٸستەر مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
وسىعان بايلانىستى, بٸرقاتار ٷندٸ كومپانييالارىنىڭ باسشىلىعى قازاقستاننىڭ نيۋ-دەليدەگٸ ەلشٸلٸگٸنە ٶز حاتتارىن جولداپ, بٷكٸل ەلەم ٷشٸن وسىنداي قيىن ۋاقىتتا ىنتىماقتاستىق پەن قولداۋ كٶرسەتكەنٸ ٷشٸن شىنايى ريزاشىلىعىن بٸلدٸردٸ.
«2021 جىلعى 13 جەنە 14 مامىردا قازاقستاننان جەتكٸزٸلگەن مەديتسينالىق كٶمەك كٶپتەگەن ادامداردىڭ ٶمٸرٸن ساقتاپ قالۋعا كٶمەكتەسەتٸنٸ سٶزسٸز. ٷندٸستەر بۇل اسىل يشاراتتى ەرقاشان ەستە ساقتايدى» دەپ كٶرسەتٸلگەن حاتتا.
بۇدان بۇرىن حابارلانعانداي, نيۋ-دەلي ەۋەجايىنا جالپى سالماعى 40 تونناعا جۋىق گۋمانيتارلىق كٶمەك جٷگٸ بار ەكٸ قازاقستاندىق ەۋە كەمەسٸ كەلدٸ. وندا دەنساۋلىق ساقتاۋ سالاسىنداعى قازاقستاندىق ٶندٸرۋشٸ كومپانييالاردىڭ مەديتسينالىق ماسكا, رەسپيراتور, قورعانىس كوستيۋمٸ جەنە ٶكپەنٸ جاساندى جەلدەتۋدٸڭ پورتاتيۆتٸ اپپاراتتارى بار.
ەستەرٸڭٸزگە سالا كەتەيٸك, 2021 جىلعى 4 مامىردا قازاقستان پرەزيدەنتٸ قاسىم-جومارت توقاەۆ ٷندٸستان پرەمەر-مينيسترٸ نارەندرا موديگە جولداۋ جٸبەرگەن, وندا «ٷندٸستاندا COVID-19 ٸندەتٸنٸڭ قاتتى ٶرشۋٸنە بايلانىستى قالىپتاسقان قيىن-قىستاۋ كەزەڭدە ٷندٸ ەلٸنٸڭ قايعى-قاسٸرەتٸنە ورتاق ەكەنٸن جەتكٸزگەن» بولاتىن.
ال 7 مامىردا قازاقستان ٷكٸمەتٸنە ٷندٸ تاراپىنا تيٸستٸ كٶمەك كٶرسەتۋدٸ تاپسىردى.
قازاقستان مەن ٷندٸستاندى ەكٸ ەل حالىقتارى اراسىنداعى دەستٷرلٸ دوستىق پەن ٶزارا جاناشىرلىق رۋحىندا ستراتەگييالىق ەرٸپتەستٸك قاتىناستار بٸرٸكتٸرەتٸنٸن اتاپ ٶتكەن جٶن.
